峇峇娘惹 (MOSTown新港城中心(4期)) (已結業)

馬鞍山原來都唔算係美食沙漠，選擇都唔算太少，好耐無食娘惹菜，口淡淡，今日想食下惹味野。巴東牛肉飯比一般牛肉唔同，用牛腩，肉味和油脂更香，可以加 $3 換藍蝶花椰漿飯，飯甜甜地，配食無咁辣，加上鹹香花生，菜甫，雜果，口感豐富又惹味。咖哩香茅雞翼飯雞翼煎得香脆，香茅味濃，咖哩比一般的辣，好濃味，配料有薯仔和秋葵，好好送飯。星州魚腐大件又香軟，雞湯清，河粉份量多，唔好辣可以一試。（前）熱羅漢果冬瓜茶清甜，（後右）凍薏米水，幫助排水，（後左）馬拉拉茶茶味濃，唔錯。