影片
更多
2024-03-14
35 瀏覽
今日同兩個朋友喺銅鑼灣行完街，朋友話想食麻辣香鍋，我記得希慎廣場嘅姚姚酸菜魚有，所以就上咗去餐廳喇。我哋未到繁忙時間，所以好好彩可以坐到窗邊卡位，窗外可以望到利舞臺同禮頓山。我哋叫咗以下菜式。麻辣香鍋：呢個麻辣香鍋（$48）要至少加5款材料，所以我哋就加咗田雞（$55），牛柏葉（$40），脆皮肥腸（$40），魷魚鬚（$50）同埋茶樹菇。食物上枱係好大嘅一碟。好多辣椒乾同花椒，又辣又麻，好有層次。食材吸收咗香料嘅味道變得好惹味。酸菜魚（$288）：又係好大嘅一碟。餐廳好窩心地有三個蠟燭喺碟底度熱住。魚片好新鮮，口感爽滑。佢有兩個炸過嘅魚頭喺入邊，所以我諗呢度嘅魚片係兩條魚嘅份量。酸菜份量都唔少。湯底呈奶白色，好濃郁。三個人叫咗兩個菜已經可以食到飽飽咁離開。
今日同兩個朋友喺銅鑼灣行完街，朋友話想食麻辣香鍋，我記得希慎廣場嘅姚姚酸菜魚有，所以就上咗去餐廳喇。
我哋未到繁忙時間，所以好好彩可以坐到窗邊卡位，窗外可以望到利舞臺同禮頓山。
我哋叫咗以下菜式。
麻辣香鍋：呢個麻辣香鍋（$48）要至少加5款材料，所以我哋就加咗田雞（$55），牛柏葉（$40），脆皮肥腸（$40），魷魚鬚（$50）同埋茶樹菇。食物上枱係好大嘅一碟。好多辣椒乾同花椒，又辣又麻，好有層次。食材吸收咗香料嘅味道變得好惹味。
酸菜魚（$288）：又係好大嘅一碟。餐廳好窩心地有三個蠟燭喺碟底度熱住。魚片好新鮮，口感爽滑。佢有兩個炸過嘅魚頭喺入邊，所以我諗呢度嘅魚片係兩條魚嘅份量。酸菜份量都唔少。湯底呈奶白色，好濃郁。
三個人叫咗兩個菜已經可以食到飽飽咁離開。
張貼
