一豚豬手專門店 (永德大廈) (已結業)

間唔中都會斬下料返屋企加餸，但又唔想下下食叉燒／切雞呢啲大路嘢，呢日就試下新嘢😎嚟到銅鑼灣時代廣場附近嘅一豚豬手專門店🐷斬返隻招牌黑超豬手返屋企先。作為豬手專門店，除咗黑椒豬手係招牌，另外仲有脆卜卜嘅脆豬手，以及大阪燒脆腩卷、豬頸肉、雞髀、鴨胸等等，斬料返屋企都可以有啲新鮮感😆除咗原隻咁買，呢度仲有三十幾蚊嘅飯餐，直頭係糧尾救星🤑🤑係附近返工嘅人都可以試下。招牌黑椒豬手第一次嚟梗係試咗招牌先😛豬手好厚肉，肉質好滑好彈，豬皮厚厚一層，充滿膠質，真係有骨膠原嘅感覺😍😍食落好香黑椒味，店員斬豬手嘅時候最後會淋上醬汁，撈飯一流👍🏻人均消費：$100推介指數（10分為滿分）：7.5分