新麻蒲 BBQ (已結業)

惹火龍蝦x牛BBQ套餐-介紹下哩個餐先😂套餐包括有一隻芝士龍蝦、7安士特級牛扒、新麻蒲秘製護心肉、龍蝦豆腐海鮮湯、龍蝦海膽忌廉年糕伴麵、爐邊芝士-佢既芝士龍蝦又係啖啖肉...低層有薯仔沙律，面層龍蝦上滿滿芝士！整熟左芝士溶化 龍蝦鮮味 仲可以再點埋爐邊既芝士食...好正呀！7安士特級牛超讚...厚厚既牛...燒好後外脆而保留入面肉汁，好juicy呀！啖啖肉，食多好多肉汁！正！店會會幫你cut開一粒粒~非常細心!新麻蒲秘製護心肉係用佢地既醬料醃過食落好嫩滑！份量好多2個女孩係食唔哂！最後龍蝦豆腐海鮮湯係用龍蝦頭煲既，輕微既辣！鮮味！原來佢地除左燒肉出色，佢既龍蝦海膽忌廉年糕伴麵都好好味呀！龍蝦2個大蟹鉗啖啖肉！忌廉汁濃味多汁！仲有年糕增加口感！伴一碟仲有啲蜆呀！好味呀！頭盤仲有沙律、泡菜、醃製蘿蔔、洋蔥.等等...主打龍蝦既BBQ第一次食！超正！