呂仔記 (已結業)

返筲箕灣同屋企人食飯。以前讀書嘅時候間唔時都會幫襯呂仔記，大大粒燒賣，再配埋我好鍾意佢㗎嗰隻辣汁，真係好正，有時我仲會買多碗咋喳添！但佢越嚟越出名，我每一次返嚟在想買燒賣嘅時候，都覺得未免太貴㗎啦！今次專誠再買咗大大粒燒賣請屋企人食，但佢哋都話好似冇以前咁好食啦！其實講燒賣嘅質素係好唔錯嘅，一定唔係街邊買嗰啲咁粉，但以呢個價錢去買，性價比實在唔太高。如果未試過嘅朋友都可以試一次嘅！