影片
更多
2018-07-24
477 瀏覽
貝兒經過一星期五天半既工作折磨後，仲要等上天眷顧😢收工先黎落大大大雨😭本身就想去食魚鱻既，因我好想食麵，但雨勢有如🐶💩咁，唯有留在地鐵站天橋可達既範圍搵食🙈女人好奇怪，上一秒仲好想食麵，下一秒見到滑蛋就好想食丼啦🍱☺️ 貝兒選擇👸🏼滑蛋鰻魚丼（$118）貝兒期待的滑蛋做得幾好，夠嫩滑而唔會過份老，我食過有啲係蓋左盒蓋，入面啲蛋做到老哂🤦🏼♀️呢個就唔會既，鰻魚份量都好充足而且嫩口，亦唔會食到帶骨，同埋無我唔中意果啲酒味☺️👍🏻其實我唔知道靚既鰻魚係會唔會落酒去煮，不過我一貫作風就覺得，海鮮類既食物，一般保留原味唔作太多修飾就好好，所以加左酒果啲我會唔識欣賞😂 男友選擇名古屋鳥開親子丼（$83）菜單上寫明佢係用左名古屋交趾雞去製作既，口感會厚實啲咁，但因為佢太餓，我影完相之後佢二話不說就撈勻哂成碗飯，同埋淨係請我食左一啖，所以我食唔出分別🤭只係知道好味，又滑蛋又窩蛋咁，好滑溜☺️丼丼餐係配上一個湯，一份蔬菜沙律，同埋一款前菜小青瓜與魷魚🦑。芝麻雞翼係跟餐加$20有一隻，外皮香脆而且入味，但$20一隻雞翼有啲貴🤭另外。貝兒同男友食飯既同時，發現我們隔壁枱有三個男仔去挑戰15分鐘食哂一個好巨型既唐
貝兒經過一星期五天半既工作折磨後，仲要等上天眷顧😢收工先黎落大大大雨😭
本身就想去食魚鱻既，因我好想食麵，但雨勢有如🐶💩咁，唯有留在地鐵站天橋可達既範圍搵食🙈
女人好奇怪，上一秒仲好想食麵，下一秒見到滑蛋就好想食丼啦🍱☺️
貝兒選擇
👸🏼滑蛋鰻魚丼（$118）
貝兒期待的滑蛋做得幾好，夠嫩滑而唔會過份老，我食過有啲係蓋左盒蓋，入面啲蛋做到老哂🤦🏼♀️呢個就唔會既，鰻魚份量都好充足而且嫩口，亦唔會食到帶骨，同埋無我唔中意果啲酒味☺️👍🏻其實我唔知道靚既鰻魚係會唔會落酒去煮，不過我一貫作風就覺得，海鮮類既食物，一般保留原味唔作太多修飾就好好，所以加左酒果啲我會唔識欣賞😂
男友選擇
名古屋鳥開親子丼（$83）
菜單上寫明佢係用左名古屋交趾雞去製作既，口感會厚實啲咁，但因為佢太餓，我影完相之後佢二話不說就撈勻哂成碗飯，同埋淨係請我食左一啖，所以我食唔出分別🤭
只係知道好味，又滑蛋又窩蛋咁，好滑溜☺️
丼丼餐係配上一個湯，一份蔬菜沙律，同埋一款前菜小青瓜與魷魚🦑。芝麻雞翼係跟餐加$20有一隻，外皮香脆而且入味，但$20一隻雞翼有啲貴🤭
另外。
貝兒同男友食飯既同時，發現我們隔壁枱有三個男仔去挑戰15分鐘食哂一個好巨型既唐揚雞飯（原價$488）聽講係10人份量黎，仲悄悄聽到佢地既趣事同賽事🤣忍不住隔著幾碌木影左果碗🐥🐥，我都知唔係太好但真係好奇，不過我唔會影到佢地個樣，真的好大好大碗！然後佢地⋯⋯順利完成左👏🏻👏🏻👏🏻👏🏻我覺得佢地好勁😂👏🏻👏🏻👏🏻👏🏻👏🏻👏🏻👏🏻👏🏻大食既朋友可以約埋幾個朋友去試下，但我就無咁既本事啦
張貼
