藝程雅聚 (已結業)

原本想去luca，但係booking full 左，要到九點先有位! 於是照揸車去，諗住去到附近先睇下有乜食。我老公話不如去呢度，因為上次已經想來，但無來到。入到來叫了兩個set dinner，一個係極黑豬鞍，另一個係煎三文魚。歺湯叫了每樣一款，包括什菜湯及南瓜忌廉湯。南瓜湯好好味，老公話個菜湯都ok!個三文魚先上，賣相好靚，塊魚扒好香，煎得外脆內軟，仲好juicy添 ！再來個極黑豬，依侍應推介，叫了七成熟！（之前有雜誌話呢種豬可以食唔駛食全熟，因他們是特別飼養，好乾淨的）食了一口，覺得好特別，唔似食緊豬扒，似食緊牛仔扒(veal)。因它比一般豬更有肉味，更juicy，仲特別鬆軟! wonderful!跟歺可以半價叫甜品，我們叫了心太軟及木槺蛋糕，心太軟有80分!另外個木槺蛋糕超好食，印象難忘，如果100滿分，我俾110分！哈哈！呢度除了食物，服務都好好，老細會同你傾下計，介紹下佢既畫，仲會送幅作品既mini size俾你，超warm！其他伙計就忙啲，沒有太大交流，但都好有禮貌！