意粉狂熱 (皇室堡) (已結業)

去咗銅鑼灣食意大利粉，餐廳冇咩人，但係侍應好少，所以都等咗一段時間先入到去，枱與枱之間都好寬闊，所以都食得好安心。跟咗個午餐Menu嗌左個set，我叫咗個香蒜蜆肉意大利粉，叫咗杯檸檬茶，額外要咗個芝士雞翼小食。第一個嚟咗個芝士雞翼小食，佢除咗有芝士粉係上面，仲有芝士醬可以點，我覺得幾好食，雞翼都算中等size，芝士粉再加芝士醬嘅配搭唔錯。個香蒜蜆肉意粉就一般般，同平時餐廳嘅差唔多，唔算好入味，意大利粉有少少硬。