韓宮 (已結業)

睇演唱會之前，就去黃埔搵下野食啦，見佢咁多韓文又拎獎咁好巴閉咁就試下佢。前菜有一碟泡菜係唔知油麥菜定生菜，幾特別。最中意係佢個炆薯仔咁既小碟。佢既薯仔似安東燉雞佢隻味。好入味，好好食！半半炸雞規定左一半甜辣一半原味。甜辣個醬有少少痴牙，不過個雞係好脆，係好好食既，只差少少在於啲雞汁無滴岀黎咁juicy。原味會跟個蜜糖芥末醬同醃蘿蔔。呢2樣都做得好好，特別係個蘿蔔，少少酸但唔會牙軟，食到甜味。牛肉飯捲無咩特別，好足料，同埋落左牛蒡，成舊一次過食係食唔到佢陣味，一分開就好大陣牛蒡味，我麻麻炸醬麵佢既麵係似讚歧烏冬，食完好滯。柚子蜜甜度適中，無死點既假糖味。總括而言，值得一試但記得早啲到，7點度就好多人。