Nuevo Tapas Bar

營業中

休息中

有朋友要走喇，最後幾日都同朋友去蘭桂坊酒吧吹水順便食埋飯，可以係蘭桂坊玩過夠，我地去到蘭桂坊搵下邊間好，去到榮華里裡面都有幾間舖頭，這個地點都不錯，靜中帶旺，去到盡頭己經係這間店舖，又可以坐出路天位，環境不錯，私穩度高。【Pina Colada】外表真係幾靚，用上椰漿和菠蘿汁混合攪拌加冰塊調製，再加冧酒，令整體有着濃濃的椰香味，入口清甜，酒味也不太重，如不太飲太多酒都可以試下。【Sangria Red】Sangria，是我比較喜歡既一種酒，鮮豔的櫻桃酒色與動感的微氣泡，再加上新鮮生果，令味道口感微甜清爽感。【Nuevo wings】這個單骨雞翼是送酒小食必備，外皮炸得好鬆脆，凍了之後都仲好脆，內裡又勁多肉汁。【Wagyu Beef Cubes】一口和牛賣相非常不錯，加上和風醬汁，味道非常濃郁，每一口都充滿了肉汁，令人愉悅，口感柔軟細膩，肉質融化在口中。【Iberico Pork shoulder】燒烤過的伊比利亞豬，肉質非常腍軟，纖維細緻，脂肪分佈均勻，肉質帶有獨特的堅果香氣，配菜仲有男爵薯和青椒仔，味道超夾。