新高麗苑韓國餐廳 (已結業)

今日下午係旺角，想食午餐但無奈周圍都係啲粉麵茶餐廳食到有啲悶，係我重好迷茫諗梗食咩既時候，枱頭一望見到有一幢紅色外牆既大廈有韓國野食，所以就心郁郁走咗去望下，見到個門口好似伏伏地咁，不過猶豫左一陣最終都係上咗去。餐廳係二樓全層，搭電梯上去一開門就已經係餐廳，侍應好快手安排左座位俾我，當時食客不是太多只有三四枱，可能未到打工仔放飯時間。侍應遞上餐牌後，隨即通知我現在得午市熟食套餐及麵食套餐可點 ; 睇一睇個價錢都幾親民，包前菜、主菜、牛骨湯及甜品都只係 $45 蚊，平時係啲茶餐廳食個飯跟飲品都收成 $45 蚊，最後叫了紅炆腩肉。牛骨湯 : 湯底有白蘿蔔、蔥花、腐竹及牛肉絲，味道清甜得黎帶點辣，而且胡椒味頗重，超級正。薯仔炆得好淋好入味，而且個汁甜甜地好醒胃。紅炆腩肉 : 有冬菇、牛筋、牛腩，份量幾多下。牛腩腍身夠牛味，而且一啲都唔韌。甜品係提子味啫喱，食落口就諗起細細個阿媽整比我食既回憶，好有家嘅感覺。呢間餐廳如果大家經開嗰頭，可以入去試一試佢嘅午餐。