影片
更多
2010-05-03
51 瀏覽
兩年前食過旺角盛八lunch, 因為知道晚餐價錢比較貴, 不過既然朋友們想食, 唯有捨命陪君子吧早早已經訂左位, 因為早到, 去到並沒有人等位, 坐左無耐已經坐滿人, 裝修唔錯, 好有日本feel, 好怕韓燒果種成身油煙味既感覺, 但呢度雖然係燒肉但個爐既設計會係旁邊抽左油煙, 唔駛食完成身油煙味, 抵讚先來兩個冷盤蕃茄沙律 & 盛八豆腐, 蕃茄加上日式沙律醬汁, 酸酸甜甜唔錯, 幾開胃, 盛八豆腐好滑, 不過應該都係百福產品, 豆味不太重燒肉則叫左豬頸肉 & 生薑黑豚, 生薑黑豚是用OpenRice既coupon送的, 兩者都只屬正常貨色, 不過生薑黑豚上面既醬汁可以補救, 連醬汁一齊燒, 食時就算唔駛點汁都ok, 不過若非想吃豬肉, 其實可以留番quota專攻牛肉到左主打牛肉, 一口氣叫左厚切鹽燒牛舌, 燒汁牛肋骨肉, 極上一口牛, 果然牛肉水準高好多極上一口牛: 脂肪分佈平均, 唔會食到一口都係油, 只需燒兩三面已經可以食得, 日式網燒就是有呢度好, 想食幾熟隨你喜歡厚切鹽燒牛舌: 落order時waiter已經問到底要厚切定薄切, 當然是厚切了, 薄切隨處也可食到, 因為真係比
早早已經訂左位, 因為早到, 去到並沒有人等位, 坐左無耐已經坐滿人, 裝修唔錯, 好有日本feel, 好怕韓燒果種成身油煙味既感覺, 但呢度雖然係燒肉但個爐既設計會係旁邊抽左油煙, 唔駛食完成身油煙味, 抵讚
先來兩個冷盤蕃茄沙律 & 盛八豆腐, 蕃茄加上日式沙律醬汁, 酸酸甜甜唔錯, 幾開胃, 盛八豆腐好滑, 不過應該都係百福產品, 豆味不太重
燒肉則叫左豬頸肉 & 生薑黑豚, 生薑黑豚是用OpenRice既coupon送的, 兩者都只屬正常貨色, 不過生薑黑豚上面既醬汁可以補救, 連醬汁一齊燒, 食時就算唔駛點汁都ok, 不過若非想吃豬肉, 其實可以留番quota專攻牛肉
到左主打牛肉, 一口氣叫左厚切鹽燒牛舌, 燒汁牛肋骨肉, 極上一口牛, 果然牛肉水準高好多
極上一口牛: 脂肪分佈平均, 唔會食到一口都係油, 只需燒兩三面已經可以食得, 日式網燒就是有呢度好, 想食幾熟隨你喜歡
厚切鹽燒牛舌: 落order時waiter已經問到底要厚切定薄切, 當然是厚切了, 薄切隨處也可食到, 因為真係比較厚, 所以燒左比較耐既時間, 感覺中間還是可以再燒耐d, 咬落好有牛舌既爽口, 同食開既薄切完全係唔同感覺, 味道方面, 因為有鹽醃過, 唔似得一般日式鋪頭咁只係知道自己咬緊牛舌而沒有牛味
燒汁牛肋骨肉: 最正常既牛肉, 看得出的雪花, 細細片方便燒, 同之前兩樣比, 今次係燒汁而唔係鹽醃, 正好唔駛味味都咁鹹
食完肉, 再叫左個盛八腸, 盛八腸本身已熟, waiter話食時只需燒至收乾便可, 一碗腸有大有細, 細既固之然易燒, 問題在於大件既, 燒左比較耐中間都好似未熱, 燒得太耐又會燶, 味道方面不過不失, 不過喜歡吃豬大腸既仍然可以一試
海鮮燒餅: 來時細細碟, 樣子精美, 料則有蝦, 魷魚等, 就咁食不算差, 但配埋個醬汁會好食好多
冷烏冬: 烏冬尚算滑, 燒肉店食到咁既質素既烏冬我覺得已經合格
泡菜石頭窩飯: 個人覺得辣左少少, 同埋飯比較爛, 而且飯焦欠奉, 雖然唔係太差, 但我下次未必會再叫
甜品時間, 沒想到甜品都唔錯, 先黎左個綠茶布甸, 三層既布甸每層都食到味唔會搶, 另外薑味雪糕亦特別, 只是略嫌奶味不足
埋單每人只是$160, 質素黎講唔算太差, 值得一讚既係當日上菜速度快, 醃既程度亦恰到好處, 就算係我地呢d素人都燒得幾好味, 整體黎講牛出色過豬好多, 應該會同班牛魔王有下次
張貼
