影片
更多
2021-05-14
78 瀏覽
蘇豪區泰式酒吧餐廳 House on Peel酒吧主打泰國菜，食物選擇唔算好多，不過就有齊串燒、肉眼扒、菠蘿炒飯、肉碎生菜包、蝦多士等主菜同小食，更設有vegan menu。酒吧設有室外座位，環境雖然唔算好寛敞，但係氣氛幾好，好chill呢~ 好啱同朋友嚟飲返兩杯。ℳ𝒶𝒾𝓃𝓈▪️The crying tiger steak “seua rong hai” $208安格斯肉眼扒烤得恰到好處，呈粉嫩嘅紅色，juicy帶咬口。牛味唔算好濃但都算突岀，略嫌有小小筋位。配上自家製嘅泰式辣醬，帶小小麻好惹味。另外亦有爽口酸蘿蔔伴碟，可以一消油膩感。▪️Thai basil chicken spaghetti $68/half意粉睇落好似無乜味咁，但係食落又幾香口喎！好濃九層塔同椒香~ 意粉軟硬適中，唔會太油膩，加有軟腍雞肉。平時淨係食到小辣嘅我表示：雖然真係幾辣吓，但係又幾香口惹味，食到唔想停。𝒮𝓀𝑒𝓌𝑒𝓇𝓈▪️Naem sour pork sausage $32第一次食呢款泰式酸腸！發現幾啱我口味！比起腸仔，質地反而有啲似肉碎，酸酸地幾特別。▪️Wagyu $32肉質軟腍，但牛味唔算太重，有小小筋位。▪️
酒吧主打泰國菜，食物選擇唔算好多，不過就有齊串燒、肉眼扒、菠蘿炒飯、肉碎生菜包、蝦多士等主菜同小食，更設有vegan menu。
酒吧設有室外座位，環境雖然唔算好寛敞，但係氣氛幾好，好chill呢~ 好啱同朋友嚟飲返兩杯。
ℳ𝒶𝒾𝓃𝓈
▪️The crying tiger steak “seua rong hai” $208
安格斯肉眼扒烤得恰到好處，呈粉嫩嘅紅色，juicy帶咬口。牛味唔算好濃但都算突岀，略嫌有小小筋位。配上自家製嘅泰式辣醬，帶小小麻好惹味。另外亦有爽口酸蘿蔔伴碟，可以一消油膩感。
▪️Thai basil chicken spaghetti $68/half
意粉睇落好似無乜味咁，但係食落又幾香口喎！好濃九層塔同椒香~ 意粉軟硬適中，唔會太油膩，加有軟腍雞肉。平時淨係食到小辣嘅我表示：雖然真係幾辣吓，但係又幾香口惹味，食到唔想停。
𝒮𝓀𝑒𝓌𝑒𝓇𝓈
▪️Naem sour pork sausage $32
第一次食呢款泰式酸腸！發現幾啱我口味！比起腸仔，質地反而有啲似肉碎，酸酸地幾特別。
▪️Wagyu $32
肉質軟腍，但牛味唔算太重，有小小筋位。
▪️Pineapple $28
香甜juicy，天然酸味消膩一流。
▪️Pork’s neck $28
豬頸肉唔會燒到好乾好柴！不過就無平時嘅咁爽彈。
𝒮𝓂𝒶𝓁𝓁 𝒷𝒾𝓉𝑒𝓈
▪️Prawn toast $48
蝦多士外層香脆唔油膩！雖然蝦肉唔太彈牙，但都幾重蝦味。旁邊仲有幾塊好脆嘅蝦片。
𝒞𝑜𝒸𝓀𝓉𝒶𝒾𝓁
▪️Thai old fashioned $118
呢杯泰式cocktail好重香料味！酒味都幾重~ 鍾意九層塔嘅朋友不妨一試。
張貼
