影片
更多
2011-05-01
14 瀏覽
蠔係一種極有趣食材，無論生食又好，炸又好，焗又好，甚至曬乾之後蒸黎食又好，都有唔同嘅美味。尤其係生蠔，果種鮮味絕對係人間極品，縱使好多人未必中意果種滑潺潺嘅口感，不過當愛上就肯定不能自拔...有人話，食生蠔只可以在酒店自助餐食個痛快，平時到蠔吧食得多感覺好奢侈，如果到超市或網上買的話，自己又唔識開，真係諗落都幾苦惱。機緣巧合之下得到OceanThree老闆邀請參加開蠔班，既然有機會學開蠔，二話不說就答應邀請，並且約埋一班食友，齊齊享受開蠔嘅樂趣！我地到達開蠔班場地後，專業導師先細心講解開蠔嘅方法，再即席示範，整個流程雖然唔算長，但絕對令我大開眼界，獲益良多。一班食友睇完示範之後，個個已經心急如焚，磨拳擦掌，希望盡快一試開蠔滋味。開蠔其實係物理學中最基本嘅槓桿原理，只要將刀插入氣孔，緊握刀柄再向內施壓，成功的話就會蠔殼卜一聲打開。呢一下聲大家可能無乜感覺，但如果係親自開的話，有如第一次釣到墨魚果一剎興奮，絕對非筆墨能夠形容呢種成功感。略為掌握技巧之後，開始享受生蠔滋味。OceanThree今次提供四款生蠔俾我地享用，而質素方面又的確有水準。先來第一款美國Totten Bay肉質肥厚，口感
有人話，食生蠔只可以在酒店自助餐食個痛快，平時到蠔吧食得多感覺好奢侈，如果到超市或網上買的話，自己又唔識開，真係諗落都幾苦惱。機緣巧合之下得到OceanThree老闆邀請參加開蠔班，既然有機會學開蠔，二話不說就答應邀請，並且約埋一班食友，齊齊享受開蠔嘅樂趣！
我地到達開蠔班場地後，專業導師先細心講解開蠔嘅方法，再即席示範，整個流程雖然唔算長，但絕對令我大開眼界，獲益良多。一班食友睇完示範之後，個個已經心急如焚，磨拳擦掌，希望盡快一試開蠔滋味。
開蠔其實係物理學中最基本嘅槓桿原理，只要將刀插入氣孔，緊握刀柄再向內施壓，成功的話就會蠔殼卜一聲打開。呢一下聲大家可能無乜感覺，但如果係親自開的話，有如第一次釣到墨魚果一剎興奮，絕對非筆墨能夠形容呢種成功感。
略為掌握技巧之後，開始享受生蠔滋味。OceanThree今次提供四款生蠔俾我地享用，而質素方面又的確有水準。先來第一款美國Totten Bay肉質肥厚，口感Creamy略帶甜味，食後味蕾更有回甘感覺。第二款澳洲Coffin Bay入口雖不及Totten Bay鮮甜，但蠔邊緣位部份咬落帶一點爽脆，感覺亦唔錯。
接住送上嘅Irish Rock海水味偏淡，相對之下無咁重口味，較適合食蠔新手，據知愛爾蘭人好中意邊飲黑啤邊食呢款蠔，箇中原因我下次都要好好試下。最後一款就係來自法國嘅Fine De Claire，略帶透明嘅蠔肉，入口傳來恰到好處嘅礦物味，加上帶俾我滑溜口感，不枉係我一直以來至愛之一，而作為今次開蠔班結尾就最好不過。當然，如果有隻Belon四個圈可以encore就更完美，哈哈！最後要多謝OceanThree方面邀請，亦要多謝舉辦開蠔班嘅GaG Gathering，今次開蠔初經驗，帶俾我有前所未有嘅滿足感。執筆時，瀏覽一下OceanThree訂購網站，發覺其他食材價錢都幾吸引，希望下次有機會可以試到牡丹蝦，海膽同西班牙火腿吧...
張貼
