多毛 (已結業)

收藏在依間貓貓Cafe已經一段時間但一直都唔啱時間去 ， 今次難得約到朋友去依間Cafe。 位置上喺旺角同太子中間樓上Cafe， 其實有少少唔易搵因為都幾隱蔽下 。餐廳限時90分鐘但係如果冇人等緊嘅其實坐耐少少應該都OK嘅。 入場嘅時候職員會要求客人消毒左隻手同埋帶返個鞋套保護返場內嘅貓咪。 最低消費每人一個餐價錢方面其實都唔算貴因為佢冇另外嘅入場收費唔似一般嘅貓貓餐廳。 依家嘅貓貓比起出面嘅貓Cafe會比較熱情， 可能因為有唔少貓貓望落去相信都真係好細個， 活力相當充沛。去嗰日咁啱有一班小朋友，喺班小朋友走咗之後佢哋都抖左陣然後好快有活力充沛咁出嚟玩。絕對係唔存在俾貓貓冷漠嘅情況食物方面當然唔好太有期望。當日我叫咗吉列豬扒咖喱讚岐烏冬（$93） ，跟餐可簡一杯soft drink. 吉列豬扒其實都OK嘅咖喱亦都唔辣但係個烏冬就略為林左啲。 不過通常去貓貓Cafe主打都係同貓貓玩。所以對嘢食嘅要求都唔會話太高。 最搞笑嘅係貓貓唔會同你爭嘢食，只不過你要小心啲唔好俾貓貓上嚟嘅時候撞到啲嘢食就OK😬貓貓係絕對好配合你影相基本上去咗依間Cafe應該手機嘅容量會爆曬因為真係影咗好多好多好多貓