影片
更多
2015-09-21
465 瀏覽
收到風曉廚有新燉湯推出立即踩場睇真啲啦！飯市到步，居然要排隊，好采只係三四個係前面，今晚唔趕時間，可以慢慢嘆。淮山杞子鮮人蔘燉烏雞湯，滾熱辣香噴噴啊！倒出黎似飲啲，鮮人蔘、烏雞、淮山、杞子、瘦肉真材實料。湯汁甘香美味，健康補身，飲完暖笠笠。連渣都食埋，鮮人蔘味甘帶爽、烏雞肉瘦而富彈性、淮山杞子清甜。足足兩碗湯水，一啖一碗，無可抗拒既美味！高湯鮮竹卷？進化版？係灌湯鮮竹卷黎架喎，一咬爆湯！濃郁湯汁充滿整個口腔，驚喜萬分！吾，好正！豬肉肉汁、香芹清爽味道跟高湯混和，注入每個味蕾，好有衝擊！連食三條都唔夠喉呢。曉廚荷香糯米雞，一打開荷葉已聞到香濃糯米飯味。挖開睇睇，糯米跟餡料比例機乎一比一呢，連咸蛋黃都有，另味道生色不少呀！火腿超級高質，咸香帶豬肉甜味，仲好彈牙，正！無骨雞柳嫩滑，香甜入味大大舊。貫徹始終足料非常，每個都包得飽飽滿滿！所有餡料都被大量肉鬆緊扣，糯米嚥嚥韌韌，係我食過最好味既糯米雞。豉椒蒸排骨飯，淋上自家清香甜豉油，起動！排骨啖啖肉，肉多骨少勁滿足！香甜質優軟棉帶肉汁，撈埋嚥韌乾爽飯粒如虎添翼，緊好味！stage 1 原味，stage 2 就係加入勁辣辣椒渣，又香又刺激，味道仿
收到風曉廚有新燉湯推出立即踩場睇真啲啦！飯市到步，居然要排隊，好采只係三四個係前面，今晚唔趕時間，可以慢慢嘆。
淮山杞子鮮人蔘燉烏雞湯，滾熱辣香噴噴啊！倒出黎似飲啲，鮮人蔘、烏雞、淮山、杞子、瘦肉真材實料。湯汁甘香美味，健康補身，飲完暖笠笠。連渣都食埋，鮮人蔘味甘帶爽、烏雞肉瘦而富彈性、淮山杞子清甜。足足兩碗湯水，一啖一碗，無可抗拒既美味！
高湯鮮竹卷？進化版？係灌湯鮮竹卷黎架喎，一咬爆湯！濃郁湯汁充滿整個口腔，驚喜萬分！吾，好正！豬肉肉汁、香芹清爽味道跟高湯混和，注入每個味蕾，好有衝擊！連食三條都唔夠喉呢。
曉廚荷香糯米雞，一打開荷葉已聞到香濃糯米飯味。挖開睇睇，糯米跟餡料比例機乎一比一呢，連咸蛋黃都有，另味道生色不少呀！火腿超級高質，咸香帶豬肉甜味，仲好彈牙，正！無骨雞柳嫩滑，香甜入味大大舊。貫徹始終足料非常，每個都包得飽飽滿滿！所有餡料都被大量肉鬆緊扣，糯米嚥嚥韌韌，係我食過最好味既糯米雞。
豉椒蒸排骨飯，淋上自家清香甜豉油，起動！排骨啖啖肉，肉多骨少勁滿足！香甜質優軟棉帶肉汁，撈埋嚥韌乾爽飯粒如虎添翼，緊好味！stage 1 原味，stage 2 就係加入勁辣辣椒渣，又香又刺激，味道仿如勁辣 XO 醬，而且跟甜豉油非上夾，非試不可。
豉汁蒸鳳爪，同樣進化左，以前又濁又乾又杰撻撻。升 level 既用心作品，豉汁厚薄適中，味道清爽，緊緊包住鳳爪，內外兼彈，good！
蒜蓉炒菜芯，即叫即炒鑊氣夠，十足大排檔功架！鮮甜可口多汁爽嫩既菜心，洒上少許炸蒜同炒，非常惹味，搶住食！
張貼
