影片
更多
2018-03-11
570 瀏覽
差到要第一次寫食評同男朋友行街行到累, 夜晚八點幾, 想就地搵野食.街尾同佢打對台個間排哂長龍, 見呢間都出名, 就走入黎試下一入去問下有冇位啫, 個員工姐姐都好肯幫你入去睇, 但老闆用佢嘅山東廣東話霸氣拋下一句: 冇位喎, 出去等一陣, 當然要個姐姐翻譯終於“擠到個位出黎比我倆” (其實唔係滿座), 叫個樓面姐姐黎落單, 一個字, 難~仲要好似好多人落唔切單咁叫左一碟馬鮫魚餃子同個客飯 “X子茶炒蝦仁飯” (唔記得個字點寫)魚餃無論賣相同味道上同街邊隨便一間冇分別, 明白魚可能有碎骨, 但條骨大到盲嘅都睇到, 叫人點夠膽再食? 個客飯同茶餐廳叫餸食飯差唔多, 仲要個 “獻” 厚到似分泌物性價比同值唔值呢家野好個人嘅, 我答你就見人見致啦跟住經典啦~剛食完最後個啖飯, 我地都已經攞起張單睇下幾多錢, 老闆就曹操上身, 快到似閃電俠咁一手搶左張單, 冇錯係搶, 再加一句“出去埋單”, 除左犀利真係唔知比咩評語去到收銀又唔同你計幾多錢, 問下埋單幾錢啫~塊面黑到你, 你估你明鏡高懸包青天咩?找完錢個下仲要大力bang埋個 “錢兜”, 係咪唔想做生意先?我黎食野啫, 唔明點解好似我得罪你咁我
同男朋友行街行到累, 夜晚八點幾, 想就地搵野食.
街尾同佢打對台個間排哂長龍, 見呢間都出名, 就走入黎試下
一入去問下有冇位啫, 個員工姐姐都好肯幫你入去睇, 但老闆用佢嘅山東廣東話霸氣拋下一句: 冇位喎, 出去等一陣, 當然要個姐姐翻譯
終於“擠到個位出黎比我倆” (其實唔係滿座), 叫個樓面姐姐黎落單, 一個字, 難~仲要好似好多人落唔切單咁
叫左一碟馬鮫魚餃子同個客飯 “X子茶炒蝦仁飯” (唔記得個字點寫)
魚餃無論賣相同味道上同街邊隨便一間冇分別, 明白魚可能有碎骨, 但條骨大到盲嘅都睇到, 叫人點夠膽再食? 個客飯同茶餐廳叫餸食飯差唔多, 仲要個 “獻” 厚到似分泌物
性價比同值唔值呢家野好個人嘅, 我答你就見人見致啦
跟住經典啦~剛食完最後個啖飯, 我地都已經攞起張單睇下幾多錢, 老闆就曹操上身, 快到似閃電俠咁一手搶左張單, 冇錯係搶, 再加一句“出去埋單”, 除左犀利真係唔知比咩評語
去到收銀又唔同你計幾多錢, 問下埋單幾錢啫~塊面黑到你, 你估你明鏡高懸包青天咩?
找完錢個下仲要大力bang埋個 “錢兜”, 係咪唔想做生意先?
我黎食野啫, 唔明點解好似我得罪你咁
我男朋友本身對去餐廳食野冇乜要求, 都同我講呢間冇下次, 真係態度差到第一次見
張貼