御滿屋日本料理

營業中

休息中

今日去咗午市放題，體驗好差。用餐時段明明12:30-15:00。13:30開始埋單，14:15 last call 提醒，14:30再提醒用餐到15:00，過程都好有禮貌。但到14:45又有個雀黑色長袖恤衫阿姐（經理？領班？）黑口黑面+超冇禮貌衝埋嚟指住我同朋友：「你2個唔好淨系掛住傾計，食快D得唔得吖！」雖然有D眼突，感覺餐飯系佢施捨俾我地咁，唔想阻住人地轉場，諗住飲埋支野就走人，但佢不斷系後面指指點點unun 昨昨，越聽越嬲⋯⋯⋯佢喝其他姐姐：「點解另外果邊仲有2個坐系度？」，個姐姐好尷尬答佢：「仲有十分鐘wor，人哋仲有件榴槤未食⋯」 黑3阿姐：「叫佢哋快D！」 我忍唔住問佢：「阿姐你冇野？夠鐘啦咩？你系咁催咩？」 佢竟然達左我一句：「又唔係話你？」 ⋯⋯⋯宜家原來興咁樣趕客法，真係無語，放題冇食飽，氣受飽曬，以後都唔幫襯，多謝！