壽司郎 (翔盈里)

營業中

休息中

壽司郎開左都好一段時間，但每一次唔係太多人排隊就係排到都已經last order最終放棄，所以一直都未有機會去試下！今次閒日下午大約3點左右去到，估唔到都要等約20分鐘，還好餐廳入邊有椅子可以坐住等，所以都唔會等得太攰入邊有三張長椅，方便一家大細/長者坐住等，呢個值得一讚！而我地今次一行兩人被安排坐到卡位都幾好，因為如果坐一直排開果邊位個空間較窄同埋無靠背都會坐得無咁舒服呢！兩個人試得唔多款，點左熱食、炸物同幾款壽司🍣女士唔太大食既話份量應該尚可，但如同行有男士既話應該要食好多碟先夠，加上店內肉類既選擇唔多，男士就真係少d野㨂了要讚既係呢度既自助落單真係好方便，同埋好快就有食物係輸送帶送到，而且每張枱枱面都有唔同既醬油可以選擇不過個人來講覺得呢度就真係幕名而來試一次就夠了，唔夠得呢度特別同埋好食到要排哂長龍係咁等去食。