Y Pasta (已搬遷) 新店位置

Y Pasta (銅鑼灣)銅鑼灣駱克道459-461號The L. Square14樓芝士焗西蘭花🥦$48西蘭花好flash，煮得夠淋，經過濃郁芝士焗過之後，芝士嘅鹹味適合均勻咁分佈咗喺西蘭花度，味道一流。而芝士嘅拉絲黏糊口感同西蘭花配合得唔錯，係高水準疏菜之作。香辣水牛城雞塊$88雞塊係香煎無骨雞柳，雞皮脆卜卜又保留一定油脂，雞肉外脆內軟，唔會油但又唔會乾爭爭，配合埋精心配搭嘅沙律菜同沙律醬，整個味道又更上一層樓，非常和味。原條鰻魚温泉蛋米仔粉$178温泉蛋滑入口濃濃蛋香，仍然保持半液態半凝固狀，好滑溜。鰻魚原條真係好長，而且醬汁已經入晒味，鰻魚豐富嘅口感之中乘載住一粒一粒米飯形狀嘅意粉，非常有創意！因為日式鰻魚一般配飯，為咗配意粉，用米飯形嘅意粉別具風味，同樣嘅鰻魚飯，日本米會糊口偏黏，而米仔粉粒粒分明有嚼頭，唔會黏，相當特別又惹味。一口西多士榛子醬$88西多士相當香脆，中間夾咗濃郁榛子醬，味道一流，而且每口西多都有好濃嘅蛋香。再配咗一口香草雪糕，個雪糕香到好似香薰店咁嘅味，非當過癮。