影片
更多
2021-01-02
1137 瀏覽
叔叔嬸嬸都友善和藹可親，招呼殷勤有禮兼親切，服務有熱誠，感覺溫暖舒服，肥叔叔及四眼叔叔最友善最寬容。服務排名磅肥叔叔、四眼叔叔、肥嬸嬸，包尾四眼阿姐及四眼瘦姐。四眼瘦姐是否天生西面呢？感覺不良好。我食完還有時間可以慢慢嘆埋杯凍齋啡，又唔係無位比剛來的食客，係我面前行來行去眼超超，貌似不耐煩不高興！熱即磨咖啡，堅濃郁還可以，質地有點厚有點粗鞋。熱奶茶，茶香濃而幼滑，茶味豐富跟淡奶比例恰到好處，互相輝映，中上的品質飲得過。焗菠蘿油，叔叔推介加 $4 蚊有焗菠蘿油，我地 3 個分享那怕食唔晒，而且叔叔稱會幫我地切埋呢。見您誠意權權，一試無妨，我還以為會細心到切三份細添，都係兩刀打十字四件，諗多左咯。微暖菠蘿包連牛油都未能溶化得到，一心期待著熱辣辣焗包，失望！唯有用自己口腔溫度溶化吧，成塊牛油硬崩崩地塞入口，寒意使到打個凍震。略脆外皮非常熟識的味道，不是一般的菠蘿包，混種來的！思考幾分鐘，係您喇！加左雞尾包甜甜椰絲餡呢，味道真係唔錯，只不過凍包就大打折扣，嘥料！墨魚角腸仔番茄濃湯米粉，墨魚角有點咸，味道香口似魚片頭，充滿彈性。番茄濃湯屋企家常滾湯味道，足料合格，鮮茄味清爽香甜。雜菌腸仔蕃茄濃湯
熱即磨咖啡，堅濃郁還可以，質地有點厚有點粗鞋。熱奶茶，茶香濃而幼滑，茶味豐富跟淡奶比例恰到好處，互相輝映，中上的品質飲得過。
焗菠蘿油，叔叔推介加 $4 蚊有焗菠蘿油，我地 3 個分享那怕食唔晒，而且叔叔稱會幫我地切埋呢。見您誠意權權，一試無妨，我還以為會細心到切三份細添，都係兩刀打十字四件，諗多左咯。微暖菠蘿包連牛油都未能溶化得到，一心期待著熱辣辣焗包，失望！唯有用自己口腔溫度溶化吧，成塊牛油硬崩崩地塞入口，寒意使到打個凍震。略脆外皮非常熟識的味道，不是一般的菠蘿包，混種來的！思考幾分鐘，係您喇！加左雞尾包甜甜椰絲餡呢，味道真係唔錯，只不過凍包就大打折扣，嘥料！
墨魚角腸仔番茄濃湯米粉，墨魚角有點咸，味道香口似魚片頭，充滿彈性。番茄濃湯屋企家常滾湯味道，足料合格，鮮茄味清爽香甜。雜菌腸仔蕃茄濃湯麵，只不過是雞髀菇加秀珍菇，平庸炒過的味道。豬扒番茄濃湯飯，無焗豬扒飯，轉試個湯飯。豬扒醃味可口濃郁，鬆化不鞋硬有嚼勁。
牛扒番茄濃湯意粉，家庭濃郁番茄湯，不是番茄濃湯，只係濃味番茄湯，舒服滾燙無投訴，配意粉比配飯更好食。牛扒微𢲡不過份，腍中帶香口有趙頭，醃味得宜滿意，意粉滑彈。炸雞髀，雞皮略油不乾爽不香脆，味道五香強烈，白肉有雞味，嫩滑好食！雪菜肉絲雜菌清雞湯米線，色香味都激讚滿分！湯汁香濃只係米線過腍一丁點，連湯帶菜同吃，美味挽回分數。
火腿炒蛋雞扒牛油厚多士，好食過大家樂、大快活千倍萬倍！熱辣辣脆煎雞扒，皮脆肉嫩香噴噴，微微偏咸但都非常美味，我都忍不住要用刀叉心慢慢品嚐。暖暖炒滑蛋蛋汁嫩滑，加幾粒鹽同炒會更香口。暖暖脆厚多士牛油味香甜，搭上滑蛋微煎火腿同吃滋味無窮。
鮮牛肉番茄濃湯通粉，加送條即食麵碎，只 $32蚊連凍齋啡勁抵食，多謝。家庭式鮮茄濃湯全部飲晒，通粉居然唔粉口而滑滑，鮮牛微𢲡仍然保持原始質地有咬口，牛味香甜。腸仔炒蛋牛油厚多士，炒蛋滑溜非常不過太淡，真係要靠牛油厚多士。實淨腸仔有點油，如果炸到或煎到外皮乾爽香脆就更好味。
火腿炒蛋牛扒牛油厚多士，炸輕𢲡牛扒淨食咸到癲，乾而帶硬。牛油厚多士搭咸滑火腿及嫩滑炒蛋，好味到拍手掌！超讚炸豬無得頂！肉彈多汁香口，牛油多士香外脆內軟，大量牛油不吝嗇孤寒，滲入麵包中更滋味。
火腿太陽蛋豬扒牛油厚多士，極致自製公司治一咬噴漿！食得太忘形，滿手滿口都是蛋漿，還射到檯面、水杯及電話都有呢！勁過恐怖血腥片十分狼狽。只得一小片餐紙巾根本不夠抹，侍應阿姐阿嬸們視若無睹話知我，餐具抽櫃無餐紙巾，放棄！雙手滴住蛋黃汁照樣拿住刀叉急急食完埋單閃，走到收銀機才發現有紙巾賣，唔買啦！嬲嬲地帶著滿嘴滿手乾掉的蛋黃汁行過兩條街 7-11 買濕紙巾！
餐肉太陽蛋炸魚柳多士，即叫即炸要耐心等候，炸魚柳魚青味重，蛋漿鬆化不會硬掘掘，魚肉散散的，外層咸了一丁點配多士能咸輕點咸度。早前試過爆漿滿手滿口都係蛋黃，今次醒目用刀叉乾乾淨淨。
紫菜墨魚柳番茄濃湯烏冬，紫菜墨魚柳跟墨魚角係咪唔同架？角好咸，柳就正常。真材實料家庭番茄湯美味夠香濃全部飲晒！滾熱辣飲到全身興烚烚出晒汗。即食烏冬配番茄濃湯蠻滿意夠穩陣，試過一次超難食地獄出前一丁後驚驚啊！雖然不時聽到有食客點出前一丁。腸仔太陽蛋牛油厚多士，腸仔炸香脆一點會更好，依家唔夠熱！焦香太蛋依舊高質，蛋黃味濃郁甘甜，牛油厚多士依舊外脆內軟。
雙太陽蛋雞扒牛油厚多士，等等等了又等，何解耐得誇張？望穿秋水終於送到，原來係慢煎雞扒。無偷懶掉落炸爐翻熱，我原諒您。無敵噴汁煎雞扒，厚厚啖啖肉，雪白嫩滑勁多肉汁閃令令，雞皮黏彈不油膩，內外同樣熱辣辣，超高質不得了！淨食已非常可口，來個親子搭載，讓太陽蛋躺在雞扒上結伴走進嘴仔，甘甜黏滑的蛋黃汁撞上彈彈雞肉更水潤更甜美，好感動啊！
餐蛋牛治烘底，新鮮烘起的多士鬆脆無比，香氣四溢，大大啖連肉咬下去，索一聲全收嘴裡去！肥美軟綿油香的餐肉，嫩滑炒蛋包著鬆軟咸牛肉，加上毫不馬虎地溶化牛油，拍案大叫好味呀！腿蛋牛治烘底，平記多士三文治神級無人能及，薄薄香脆多士夾住豐滿厚厚滾熱辣咸牛炒蛋，彈嫩咸香火腿片，平均半溶牛油香，裂一聲齊齊咬去！聲音非常清脆動聽，多種食材在嘴內翻騰再融合，味道昇華極至，天堂的味道，食得津津有味開心愉快！
食飽飽早餐仲有成足足 15 分鐘添，慢慢行陣街才遊回公司。
焗菠蘿油
20 瀏覽
0 讚好
0 留言
焗菠蘿油
28 瀏覽
0 讚好
0 留言
墨魚角腸仔番茄濃湯米粉
15 瀏覽
0 讚好
0 留言
豬扒番茄濃湯飯
18 瀏覽
0 讚好
0 留言
牛扒番茄濃湯意粉
11 瀏覽
0 讚好
0 留言
炸雞髀
18 瀏覽
0 讚好
0 留言
火腿炒蛋雞扒牛油厚多士
12 瀏覽
0 讚好
0 留言
火腿炒蛋雞扒牛油厚多士
5 瀏覽
0 讚好
0 留言
鮮牛肉番茄濃湯通粉
4 瀏覽
1 讚好
0 留言
腸仔炒蛋牛油厚多士
6 瀏覽
0 讚好
0 留言
腸仔炒蛋牛油厚多士
3 瀏覽
0 讚好
0 留言
午餐肉炒蛋牛油厚多士
4 瀏覽
0 讚好
0 留言
午餐肉炒蛋牛油厚多士
5 瀏覽
0 讚好
0 留言
火腿炒蛋牛扒牛油厚多士
23 瀏覽
0 讚好
0 留言
火腿炒蛋牛扒牛油厚多士
5 瀏覽
0 讚好
0 留言
火腿太陽蛋豬扒牛油厚多士
4 瀏覽
0 讚好
0 留言
火腿太陽蛋豬扒牛油厚多士
3 瀏覽
0 讚好
0 留言
餐肉太陽蛋炸魚柳多士
7 瀏覽
0 讚好
0 留言
炸魚柳
6 瀏覽
0 讚好
0 留言
餐肉太陽蛋炸魚柳多士
5 瀏覽
0 讚好
0 留言
紫菜墨魚柳番茄濃湯烏冬
9 瀏覽
0 讚好
0 留言
腸仔太陽蛋牛油厚多士
3 瀏覽
0 讚好
0 留言
腸仔太陽蛋牛油厚多士
8 瀏覽
0 讚好
0 留言
火腿太陽蛋牛油厚多士
7 瀏覽
0 讚好
0 留言
火腿太陽蛋牛油厚多士
6 瀏覽
0 讚好
0 留言
雪菜肉絲雜菌清雞湯米線
7 瀏覽
1 讚好
0 留言
雙太陽蛋雞扒牛油厚多士
6 瀏覽
0 讚好
0 留言
雙太陽蛋雞扒牛油厚多士
10 瀏覽
0 讚好
0 留言
餐蛋牛治烘底
11 瀏覽
0 讚好
0 留言
腿蛋牛治烘底
23 瀏覽
0 讚好
0 留言
張貼
