夏捌月 (已結業)

同女朋友到元朗食晚餐，當晚想食西餐，經朋友介紹下選擇咗夏捌月，名字好特別，由於餐廳內的座位唔多，建議可預先訂位，節省排隊等候嘅時間，店面裝修好特別，以簡單嘅灰色批盪為門面，店內裝修時尚，暗暗嘅燈光感覺舒適，牆上掛咗好多marvel嘅畫。我哋分別叫咗慢烤帶骨肉眼牛扒配牛骨髓汁、原隻烤焗德國豬手。每款主菜6點後都可以優惠價20蚊配是日餐湯 加酥皮焗加18蚊及熱飲。酥皮湯可選擇忌廉湯或羅宋湯，我哋都選擇咗忌廉湯，忌廉湯煮得好香滑，味道適中，酥皮亦好夠牛油香味。慢烤帶骨肉眼牛扒，牛扒好大塊，鮮嫩多汁 食落肉汁滲出，牛味香濃，值得推介。原隻烤焗德國豬手上枱時已經斬件，方便進食，外皮焗得好脆，味道唔會太鹹。食物質素一流，必定再次光顧。