詩餅坊

營業中

休息中

本身打算即日買啲小cake慶祝男朋友生日，預先打左電話問有冇想要嘅蛋糕款，原來係到時候師傅係即叫即做，俾佢對做餅嘅誠意打動左，所以就去幫襯。去到舖頭，舖面唔大，但係啲蛋糕排得好整齊好靚，店員好友善，問左我想要邊款，就走入去廚房同師傅講，之後仲走埋入去幫手包裝俾我。係店舖左手邊會有啲生日慶祝嘅特別蠟燭同牌仔，有需要可以即場購買。而係右手邊都係有張枱仔同櫈俾人堂食或者等待，仲有冷熱飲品添。我叫左抹茶紅豆蛋糕同埋開心果拿破崙，2樣都好好味，抹茶戈款口感好特別，而開心果嘅味道好濃郁，而且製造一啲都唔馬虎，每一層都有開心果，好少係出面食到，男朋友食得好開心。下次會再黎試其他口味。