Giacomo Ristorante (已結業)

為咗慶祝朋友升職之喜，我特登搵左間餐廳fine dining 同朋友慶祝下，餐廳係銅鑼灣勁方便，啱哂朋友放工就嚟到食！我地被安排坐左一個近窗口嘅位置，座位都幾舒服，枱面仲有玫瑰花同蠟燭做裝飾，成個氣氛都好柔和，俾人一個好舒服嘅感覺，今晚呢餐飯一定係可以慢慢食，慢慢傾！餐廳令我印象最深刻嘅菜式分別係自家製嘅朱古力，Mayura Beef Tenderloin, roasted scallop! 佢嘅朱古力同出面食落嘅好唔同，食落唔太甜同埋個陣after taste都留左係口腔好耐唔散，好好味！另外Mayura Beef Tenderloin嘅牛，聽侍應講呢個菜式嘅和牛係食朱古力大，所以佢嘅味道都係比較濃郁，而牛嘅肉質都好粉嫩，超juicy! 大力推薦！而佢嘅roasted scallop夠哂厚肉，配埋魚子醬食好特甜，佢嘅帶子好鮮甜，亦都有燒嘅香味❤食嘅時候因為臨近聖誕節，餐廳仲有Christmas Hamper 可以買，入面有好多款嘅朱古力，感覺都好吸引！啱哂買黎送俾朋友