心鉄板燒

營業中

休息中

朋友升職，當然要搵一間又靚又正嘅餐廳，好好地為佢慶祝一下啦。今次就搵咗一間食物高質景觀同樣優秀嘅日式鐵板燒，去品嚐一下美食坐喺高層嘅位置眺望尖沙咀美麗嘅夜景靜靜地享受一頓豪華嘅美食實在令人心曠神怡。因為師傅只係serve兩台嘅客人, 又唔會太逼又唔會太嘈。鐵板燒特選2人套餐，前菜，沙律，湯，小食，主菜，炒飯，甜品乜都包曬，所以黎呢度食記得記得唔好食咁飽先嚟呀。先嚟果仁沙律，煙三文魚配忌廉芝士，同埋冰鎮梅漬蕃茄。果仁沙律口感好特別，忌廉芝士好濃味好好食，三文魚新鮮。番茄味道特別好鮮甜。龍蝦湯好濃味，係非一般嘅龍蝦湯。飲得出係用好多蝦頭淆製，而且鹹甜度適中，確實一流。大虎蝦大大隻絕無欺場。啖啖肉之餘，蝦頭日大蝦膏，充滿鮮味。配埋蕃茄辣醬，非常惹味。日本宮崎蠔配櫻花蝦乾，櫻花蝦味味道出眾，但沒有蓋過蠔嘅鮮味。石蠔肉厚，口感層次非常豐富。鵝肝配黑醋汁，係非常邪惡嘅一道菜。鵝肝油脂豐厚，入口即溶，而且充滿油香。配上多士及黑醋汁，可解油膩。輪到主菜日本伊藤a4和牛厚燒及美國牛肉薄燒。兩款都好美味，薄燒牛肉好薄身，包住芥末木耳給牛蒡漬，口感層次非常高。和牛厚燒沒有花巧，油脂分佈非常好，入口即溶。小女