影片
更多
2018-05-14
1153 瀏覽
逢年過節都會去酒樓食飯，來來去去果D餐，實在有些厭。今次確定去朋友介紹呢間試⬇️。由於是母親節，訂檯分兩個時段6點與8點，我哋揀左6點，去到已經坐滿曬人了。叫左餸後10分鐘陸續上菜，值得一讚。一圍人唔使個半鐘已經食飽飽，漏左個魚香茄子煲冇上，取消左，應該係漏單。節假日，人多，坐得比較逼，餐廳人手明顯唔夠，想要兩隻碗仔，隻手舉左10分鐘冇人理。今次叫左西檸雞（夠脆，夠味，唔會成口油）西湖牛肉羹（足料，夠滑，推薦，10人份量啱啱好）薯仔牛肉粒（牛肉嫩冇渣表面有蜜糖，薯仔好好食，大家爭住食）骨髓（最最好食，骨髓辣辣哋，一啖一條仔）椒鹽骨（肉嫩，略嫌大塊）菠蘿咕嚕肉（大碟，肉質啱啱好，唔多肥膏，冇骨）薑蔥魚鏢（好抵食，好大煲，比得上其他餐廳一倍咁多，火候唔夠，咬唔到）牛仔骨（夠味，但有兩塊厚身嘅未煮熟）乳鴿（係唯一未食完嘅餸，乳鴿好大隻，但有好多大大條嘅毛未處理乾淨，幾乎每塊斬件都有，睇落冇咩胃口食）總體來講是值得再去嘅，下次可以試下其他菜式，唔係節日去，相信廚師可以發揮得更好。
由於是母親節，訂檯分兩個時段6點與8點，我哋揀左6點，去到已經坐滿曬人了。叫左餸後10分鐘陸續上菜，值得一讚。
一圍人唔使個半鐘已經食飽飽，漏左個魚香茄子煲冇上，取消左，應該係漏單。節假日，人多，坐得比較逼，餐廳人手明顯唔夠，想要兩隻碗仔，隻手舉左10分鐘冇人理。
今次叫左西檸雞（夠脆，夠味，唔會成口油）
西湖牛肉羹（足料，夠滑，推薦，10人份量啱啱好）
薯仔牛肉粒（牛肉嫩冇渣表面有蜜糖，薯仔好好食，大家爭住食）
骨髓（最最好食，骨髓辣辣哋，一啖一條仔）
椒鹽骨（肉嫩，略嫌大塊）
菠蘿咕嚕肉（大碟，肉質啱啱好，唔多肥膏，冇骨）
薑蔥魚鏢（好抵食，好大煲，比得上其他餐廳一倍咁多，火候唔夠，咬唔到）
牛仔骨（夠味，但有兩塊厚身嘅未煮熟）
乳鴿（係唯一未食完嘅餸，乳鴿好大隻，但有好多大大條嘅毛未處理乾淨，幾乎每塊斬件都有，睇落冇咩胃口食）
總體來講是值得再去嘅，下次可以試下其他菜式，唔係節日去，相信廚師可以發揮得更好。
張貼
