串Grill 自助燒烤專門店 (譽發廣場) (已結業)

想BBQ又想食得優雅乾淨✨最好去食串煩，上星期六同幾個朋友去左旺角既「串Grill自助燒烤專門店」午市放題，都只需每人$198，任飲任食，性價比非常高。🍡豬、牛、雞、羊🐑，每款肉類有不同款式既串燒，其中最推薦既有牛舌，爽口彈牙，而豬五花肉肥瘦適中有層次，雞軟肉爽脆好味。另外蔬菜🥬類有秋葵、甜薯、翠肉瓜、豆腐卜等等，各類食物燒得香氣撲鼻，再加埋辣椒粉🌶及其他配味，更加好味。最後仲有甜品🍮燒綿花糖、雞蛋仔，而晚市會有哈根達雪櫃，非常超值。而汽水飲品等亦有多款選擇。