香河越南餐廳 (已結業)

香河呢間食越南菜真係算歴史悠久，N年前享CWB番工都會過泥幫襯。但自從同銅鑼灣分手之後好耐冇食過。今晚約左友人食飯去懷緬一下。蒸粉卷～皮薄饀多，肉碎同木耳都各有千秋，點埋酸汁胃口大開。牛柳粒紅飯～飯質感ok亦唔會太乾身，牛柳醃得入味。炸蝦餅～份量都算多，爽口點埋酸甜醬晤錯，但略嫌太油。蒜香雞翼～呢個有啲失望，蒜蓉同雞翼好似搭枱咁。雞翼炸得太乾身而肉好似冇醃過，冇味。龍眼冰~未至於好難飲，就係藥水梳打feel。另外叫左杯三色冰冇影，友人話不過不失。呢餐兩人盛惠$350都尚算ok