影片
更多
2018-10-02
874 瀏覽
今日係我同老公既結婚週年紀念，難得老公去訂位食飯慶祝，我就翹埋雙手，期待老公既安排。老公帶我去到尖沙咀嘉芙中心地庫門口停下，看到阿肥火鍋，我心想 : "不是嘛，週年紀念吃火鍋 ， 唔係應該食西餐咩!"，但當我一直沿著樓梯行落去時，就好似進入時光隧道，回到七、八十年代既光景，實在驚喜萬分。打著香港懷舊風格嘅阿肥火鍋， 裝修上模仿大排檔及各種特色小舖，如魚檔、菜檔、士多及跌打舖 等，連擺設、枱櫈、碗筷，都令客人有懷舊feel，絕對係打咭放上社交平台既好地方。食物點單紙上既食物超過100款， 真係款款想試，而且我發現有些食物例如風乾油鴨脾、陳皮魚蛋等菜式都充滿港式風情，食出懷舊味道。湯底係阿肥推介~ 胡椒豬肚雞鍋($128)材料豐富，有紅棗、淮山、杞子等 藥材，仲有半隻雞，這湯喝來帶有淡淡胡椒香，胡椒有和胃、止嘔嘅功效，對於像我這類經常胃部不適嘅人仕最適合不過，再食埋爽滑豬肚及雞肉，豐盛滿足。海中蝦($168)份量有六隻，隻隻有手掌咁大隻，勁多蝦膏，肉質肥美爽甜，味鮮香。鮮蝦雲吞(半份)($35)這個雲吞好足料，皮薄餡料豐盛， 七分鮮蝦，三分豬肉，非常鮮味爽脆，老公超like，之後想叫多份，
老公帶我去到尖沙咀嘉芙中心地庫門口停下，看到阿肥火鍋，我心想 : "不是嘛，週年紀念吃火鍋 ， 唔係應該食西餐咩!"，但當我一直沿著樓梯行落去時，就好似進入時光隧道，回到七、八十年代既光景，實在驚喜萬分。
打著香港懷舊風格嘅阿肥火鍋， 裝修上模仿大排檔及各種特色小舖，如魚檔、菜檔、士多及跌打舖 等，連擺設、枱櫈、碗筷，都令客人有懷舊feel，絕對係打咭放上社交平台既好地方。
食物點單紙上既食物超過100款， 真係款款想試，而且我發現有些食物例如風乾油鴨脾、陳皮魚蛋等菜式都充滿港式風情，食出懷舊味道。
湯底係阿肥推介~ 胡椒豬肚雞鍋($128)
材料豐富，有紅棗、淮山、杞子等 藥材，仲有半隻雞，這湯喝來帶有淡淡胡椒香，胡椒有和胃、止嘔嘅功效，對於像我這類經常胃部不適嘅人仕最適合不過，再食埋爽滑豬肚及雞肉，豐盛滿足。
海中蝦($168)
份量有六隻，隻隻有手掌咁大隻，勁多蝦膏，肉質肥美爽甜，味鮮香。
鮮蝦雲吞(半份)($35)
這個雲吞好足料，皮薄餡料豐盛， 七分鮮蝦，三分豬肉，非常鮮味爽脆，老公超like，之後想叫多份，但已經售罄。
韭菜鮮肉餃(半份)($30)
餃子飽滿，韭菜味香濃，配合胡椒湯底，超正。
手打蟹籽墨魚滑($78)
墨魚話爽口彈牙，加上卜卜脆嘅蟹籽，滋味無窮。
菜心苗($32)
翠綠，無渣，夠嫩，好甜。
可樂($12)及烏龍茶($18)
今次俾老公叻番次，揾到間咁特色既火煱店，食材新鮮又好味，影咗好多靚相，留下非常美好既回憶。
張貼
