金記冰室 (新港城中心4期) (已結業)

馬鞍山已經越嚟越多嘢食，今次就去咗金記食傳統嘅港式茶餐廳味道。點咗鐵板西冷牛扒意粉配燒汁、羅宋湯、仿鮑魚絲火腿通粉、煎雙蛋牛油多士、海南雞半隻，飲品有檸檬利賓納及雪糕紅豆冰。鐵板西冷牛扒揀咗七成熟，砌落去超諗超juicy，好有牛嘅味道，加埋燒汁食別有一番風味，配菜有蕃茄仔、西蘭花及粟米，燒汁落意粉上面食，兒時嘅回憶返曬嚟。羅宋湯入面就有超多蔬菜及紅蘿蔔，啱我嘅味道。煎雙蛋牛油多士，蛋係半生熟啱曬我口味，牛油多士沾少少蛋黃食又係一流。仿鮑魚絲火腿通粉，鮑魚絲同火腿絲好夾，加埋爽滑通粉及濃沃湯底好味。海南雞就完全唔肥，加上雞肉好滑，鍾意食雞嘅朋友一定唔可以錯過。兩杯飲品，檸檬利賓納及雪糕紅豆冰都係傳統港式茶餐廳必要嘅飲品，下次嚟我一定會再叫。