太平飯店 (已結業)

第一去去太平飯店食飯。員工好nice,一入就招呼帶我埋位。唔似啲餐廳唔理我，要人尷尬企係門口唔知做乜。先叫糖心蛋。原來太平飯店用嘅係鴨蛋，難怪糖心蛋咁大隻咁入味。加上充滿酒味，咬一半個蛋黃瘋狂流心。我一人生啪左兩隻咸菜豬肚湯 湯好濃，胡椒味又冇遮哂陣味！最緊要係豬肚好爽口，係我中意食果種口感。一啖湯一啖豬肚，超暖胃。冬天食一流！再叫左貴妃雞同口水雞本身好中意食口水雞，所以死都要叫。但老闆大力推薦貴妃雞（加埋見佢咁靚仔），結果每邊叫左半隻。果然！貴妃雞堅好食，甚至比口水雞好食！雞超滑，又唔會太肥，加埋少少骨唔會啖啖肉先令人想一食再食！仲要勁有heart 凋埋隻奕出黎！當然唔少得滷味！叫左鵝件，元蹄，墨魚。墨魚好爽口，又入味！元蹄點埋酸汁好開胃！鵝件啖啖肉!三併分量超多！我個人反而中意點滿滷水汁！甜甜地更加入味！必食！最後叫左個糖醋麵。初初唔識食。原來加醋加糖食。煎得好脆口，中間又軟林林，名副其實外脆內軟！建議加多啲糖，沙糖粒脆脆地仲好食！幾個人一人一舊話咁快當個麵係甜品鯨吞左