金不換泰國餐廳 (已結業)

本人係勁鍾意食泰國菜架, 基本上好多間都食過, 往時最鍾意去九龍城或者銅鑼灣食, 但自從搬左後貪荃灣就腳, 同埋有泊車優惠, 所以差唔多一個月就會黎嗒嗒一次, 再加上佢地食物味道好, 服務同衛生同地點都 good good, 價錢就間間都差唔多...............今次叫左 4 樣野再 + 1 份蒜蓉飽, 已經食到捧住個肚仔返屋企 lu ................. 香矛蝦球沙律, 每次黎到都必叫, 因為個酸辣醬好美味, 蝦球又大隻又爽口彈牙, 老公好鍾意食呢個菜架 ................ 冬蔭海鮮湯, 佢地有個純稡冬蔭功, 我見價錢一樣, 梗係揀個多少少海鮮既黎嗒嗒啦, 酸辣味道平均, 正正正 ............. 咖喱炒蟹, 我既至愛, 每次黎又係必叫, 個咖喱汁好得架, 最衰呢到冇果隻印度薄餅啦, 點咖喱黎食冇得頂呀, 通常咁大隻蟹都係我一個人嗒哂, 老公麻麻地, 佢負責食果 2 隻大大舊既蟹拑啫 ................... 泰皇雞, 第一次叫, 雞肉好滑, 個汁都好好味, 但 2 個人食太大隻啦, 所以都係食到半隻之後打包 ..