糙米家 (已結業)

已經嚟食過無數次，但次次都係食青魚烏冬，覺得好好食，見啲同事成日都食呢個沙律，之前因為驚會唔飽同埋想食熱野所以一直都冇叫，但聽佢哋講因為好大碟所以其實都飽，咁我今次就叫咗啦！雖然我見佢哋通常都係食雞扒沙律但係我今次叫嘅就係煙三文魚沙律仲叫佢多醬添！講真呢個份量50幾蚊真係好抵，仲要加多個蒜蓉包俾你，食完係真係飽嘅！大家都可以嚟試試呀！同埋其實呢間都好健康㗎啲嘢食，同埋佢呢度有牛蒡茶大家可以試吓呢樣嘢都唔錯！