新英記茶餐廳 (已結業)

去銅鑼灣食嘢, 選擇好似好多, 但剔除咗啲連鎖店之後, 發覺本地小店真係買少見少, 有時寧可行多兩步去幫襯啲細鋪, 杯水車薪地希望用行動,作為對本地商店的小小支持.新英記雖然有啲舊, 但乾淨企理, 連厠所都好乾淨.下晝五點幾, 未有晚餐, 但餐牌啲乜飯物飯都係三十幾蚊, 叧加飲品, 五十零蚊可以出門口.因為未肚餓, 所以點了下午茶餐.有三文治, 熱狗, 烏東之類, 一律三十蚊, 包一杯熱飲.熱狗餐, 落單時阿叔好細心問使唔使切開兩邊, 又好喎, 熱狗外型已經好靚, 香腸熱辣辣, 下層有好新鮮的蕃茄+爽脆青瓜,簡簡單單好滋味,奶茶是水準以上.絕對值得幫襯.