Brass Spoon

營業中

休息中

公司將要搬離灣仔了，如果要我數我會最掛住嘅餐廳，一定係呢間Brass Spoon。 本來我對喺香港食嘅越南Pho 係零興趣，因為未試過喺香港食過好食嘅Pho，完全同越南食過嘅完全唔同。香港食嘅，好多時葱味太重，湯底又太酸，變相湯太濃，食唔到河粉嘅精髓。呢度嘅Pho 先講講個湯低，千其唔好因為湯嘅色水以為賣清，其實係足料淆製，濃度剛好，飲一啖先食，完全係為Pho打起完美嘅序幕。然後將香草葉同芽菜輕輕整碎再加落啲湯度，香味揮發，聞到都流口水。啲河粉又薄又滑，一吸就吞咗，無誇張！最後亦都係重點，Pho 嘅牛肉同牛丸。我揀嘅係生牛肉，另外加牛丸。生牛肉好嫩，又有牛味，然後又唔肥，唔似得一啲雪花牛得肥膏有味，牛無味。仲有係啲牛丸，切左一半都無影響到佢彈牙嘅口感！又因為佢切咗一半，所以啲湯味深入咗啲牛丸入面，每一口又透番啲牛肉味出黎。所謂嘅彈牙，正正就係呢個效果。呀，仲有呢度落單其實係好似啲日本拉麵店咁，你可以選擇香葱等份量，可以夾番你想要嘅口味。