RBTea (裝修中)

旺角人多車多，想去小人D既地方都無。入去始創中心涼涼下冷氣，見到間台式cafe - RB Tea，炎炎夏日，飲返杯珍珠奶茶，水果茶嘆下都幾好，仲要差唔多時間食晚飯，RB Tea，本大人就比次機會試下你好唔好食啦！講講下好似有位喎，即刻走去個位到坐底先！清新台式既裝修，令人眼前一亮，仲有D青BB既兔仔同你一齊食野，你有無開胃D丫？一黎叫返水果荼試下先，一飲就知係荔技綠茶茶底加左好多水果有菠蘿，火龍果，柑桔，蘋果，西瓜，奇異果⋯⋯不過大家記得叫小甜小甜小小甜，如果唔係甜死你！（佢地既服務真係值得讚，肯比我換左好幾杯都唔黑面）雞翼－外皮香脆可口，雞肉入味而且嫩口，配上酸瓜沙律醬，味道很好！Set Dinner 有湯和飲品。檸檬綠茶味道清新，飲完馬上降溫！超特別的咖哩！完全無咖哩味，感覺十分之稀又可以辣到你死，有特殊癖好既朋友可以試試，如無，就唔好喇！熱辣辣的焗螺絲粉 － 一送上枱有陣黑胡椒味，加上D芝士鮮茄肉醬，好食到你停唔到口，好魔鬼，好邪惡丫！千層提拉米蘇 (套餐+HK$18)－ 你真係米咁快食完就GO，喜出望外的千層提拉米糕，中間層蛋糕用咖啡浸過，有好香咖啡味， 試一試，包你回味無窮丫