永豐食坊

營業中

休息中

忙碌咗一日，返到屋企到夜，連快餐店都唔做我生意，好彩仲有樓下麵食小店，9點幾都做生意，仲有幾個人排。係街市位生存咗幾年，之前都冇點特別食，本身對車仔麵唔係好大興趣。係阿媽推介下就一試愛上。配搭必選係粗麵+ 豬骨湯加辣+滷水豆腐。粗麵沾滿濃嘅豬骨湯，同滷水汁。$36蚊包三餸+ 紙包飲品，經濟又實惠。餸仲可以叫曬肉類，冇限制。今晚食豬扒+ 滷水豆腐+ 餃子。豬扒大大片，入味，唔嚡。 滷水豆腐有3舊，啲滷水汁出曬黎。餃子有4隻，全部自家製，有唔同味可以選擇。真係食餸都飽。另外，食咗咁多次，推薦招牌滷水拼盤，$40大大份，用齊曬雞翼、豆腐、紅腸，加餸一流。