179
66
48
等級4
532
1
我係cheap人
2015-10-08 4477 瀏覽
本來打算去元氣食平價壽司, 我係cheap人一個, cheap人計cheap數, 兩位, 也要三百, 不如食平價放題, 每人多付數十元, 便刺身、壽司、燒、炸、煎、煮、甜一應俱全, C9的思考方法, 你唔會明的了....哈哈...近年的日式放題, 水準差極有限, 還記得十多廿年前, 香港初初開始有日式放題, 質素參差得緊要, 隨市場的成熟和汰弱留強, 好的留低, 差的消失. 還記得半年前去過此大廈的一樓: 漁屋, 今次來到, 已經消失, 幸好, 三樓還有一間, 不致白行一敞.六時前到達, 人不多, 不需等位, 早場只是$206/一位. 每次去元氣食壽司, 啤酒加刺身, 每位差不多也要百五元, 這裡只需多付七十元, 吃得暢快好多好多.... 這裡的入單紙, 用膠架層層分開來放, 免卻了一整疊, 揭來揭去, 也算方便了少許...近來全城放題食肆, 都供應的cheap cheap 韓啤: d-Dry. 金巴利街的韓國餐廳都有供應, 但一罐價錢, 起碼收$25-$30, 這裡任飲, 今晚只飲了三罐, 也夠付多那七十元差價吧, 睇怕韓式餐廳也要換一換啤酒牌子了.先吃刺身是常識吧, 睇相, 又知我
更多
144 瀏覽
0 讚好
0 留言
 本來打算去元氣食平價壽司, 我係cheap人一個, cheap人計cheap數, 兩位, 也要三百, 不如食平價放題, 每人多付數十元, 便刺身、壽司、燒、炸、煎、煮、甜一應俱全, C9的思考方法, 你唔會明的了....哈哈...
134 瀏覽
0 讚好
0 留言
 近年的日式放題, 水準差極有限, 還記得十多廿年前, 香港初初開始有日式放題, 質素參差得緊要, 隨市場的成熟和汰弱留強, 好的留低, 差的消失. 還記得半年前去過此大廈的一樓: 漁屋, 今次來到, 已經消失, 幸好, 三樓還有一間, 不致白行一敞.
95 瀏覽
0 讚好
0 留言
 六時前到達, 人不多, 不需等位, 早場只是$206/一位. 每次去元氣食壽司, 啤酒加刺身, 每位差不多也要百五元, 這裡只需多付七十元, 吃得暢快好多好多.... 
398 瀏覽
1 讚好
0 留言
 這裡的入單紙, 用膠架層層分開來放, 免卻了一整疊, 揭來揭去, 也算方便了少許...
45 瀏覽
0 讚好
0 留言
 近來全城放題食肆, 都供應的cheap cheap 韓啤: d-Dry. 金巴利街的韓國餐廳都有供應, 但一罐價錢, 起碼收$25-$30, 這裡任飲, 今晚只飲了三罐, 也夠付多那七十元差價吧, 睇怕韓式餐廳也要換一換啤酒牌子了.
51 瀏覽
0 讚好
0 留言
 先吃刺身是常識吧, 睇相, 又知我out-focu 啦..., 相機唔聽話, 專登影櫻花, 可能知我想去日本看櫻花. 日本的國花其實不是櫻花, 而是菊花, 二戰後, 美國人就寫過一本書名為"菊花與劍", 想了解日本人, 不過錯過此書. 菊花在香港人心目中, 就真係與日本人想像差得多了, 提起菊花, 香港人一定諗到: 拜山... 其實.."拜山壽司"都幾有卓頭...
42 瀏覽
0 讚好
0 留言
 食刺身, 不要平價芥辣吧, 尤其是那些食家兼畫家, 先把顏料(醬油和芥辣)撈起, 攪呀攪..., 攪到泥水一樣的醬料, 把魚生放落去浸, 簡直係極品啦. 藍鰭吞拿魚的重金屬含量, 比普通的吞拿魚還要高, 我還是吃回平價貨好了, 味道差好唔多啫, 仍然鮮味.
35 瀏覽
0 讚好
0 留言
 香港人致愛的三文魚, 日本魚生原教旨主義者一定睇你唔起, 哈哈.... 唔緊要, 最緊要自己覺得好味就夠了 鮮橙色魚身, 厚白粗間, 少少醬油, 已帶出鮮味, .
37 瀏覽
0 讚好
0 留言
 日本人喜愛吃鯛魚, 香港稱為𩶘魚, 淺粉紅色, 味道比起其他魚類為淡, 如果不是即殺即做的刺身, 很難吃得出其原有的鮮味, 日式放題貨色, 這店算合格.
37 瀏覽
0 讚好
0 留言
 油甘魚, 又是另一款 日本魚生原教旨主義者近年最多批評的刺身, 無辨法, 當變成了群眾口味之後, 那些自命taste"高一等"的人, 總會看不起大眾口味. 油甘魚也是我最愛, 口感滋潤, 顏色光滑, 切得肥厚, 肉質油份又夠重, 入口鮮美.
28 瀏覽
0 讚好
0 留言
 之前研究過, 八爪魚、墨魚、魷魚的膽固醇含量不同, 去政府食物安全中心的網站了解一下, 魷魚的膽固醇的確超高, 但八爪魚的膽固醇含量只與豬牛相差無幾, 我看完後, 都放心吃多幾件....至於魷魚...以後都係唔好睇咁多"膽固醇含量表"為佳....哈哈..
42 瀏覽
0 讚好
0 留言
 蟹子壽司, 又是一款呃了香港人好耐的壽司, 近年香港人知道, 蟹子其實是飛魚子, 但名稱叫慣了, 無謂改來改去, 橫掂....牛丸都無牛肉, 龍蝦丸無龍蝦,  菠蘿包冇菠蘿, 老婆餅都冇老婆啦.... 不過, 大家可能都不知道, 十年人事幾翻身, 現在的蟹子壽司, 不是蟹子, 也不是飛魚子了, 但卜卜脆依舊, 圍圈的紙菜超新鮮爽脆, 夠誠意了.
30 瀏覽
0 讚好
0 留言
 壽司種類不多, 但正常款式都一應俱全, 水準也好, 之前吃了甜蝦, 忘記影相, 玻璃虎蝦做的壽司, 脆口新鮮. 後面的鰻魚, 與元氣水準差不多, 但切得較厚, 入口的豐滿度大增.
29 瀏覽
0 讚好
0 留言
 火灸三文魚和火灸左口魚群邊, 肥脂夠多, 燒過後, 釋出少少油份, 入口甘香.
29 瀏覽
0 讚好
0 留言
 吃日式放題, 要遇到新鮮的海膽, 真是難過登天, 通常都是溶了一半的漿糊狀海膽, 但今天好幸運, 又或者是 因為早上我拜過神才出門口, 所以今晚來的海膽手卷, 比起超市自己揀的還要新鮮, 全是沙粒狀的新鮮表面, 用放大鏡也找不到溶解位置, 入口鮮甜, 好滿意....
32 瀏覽
0 讚好
0 留言
 各式串燒, 水準都是合格以上, 脆瓜燒得香口, 內裡水份多, 冬菇略為乾身, 牛舌雖非厚切, 但表面燒得香脆, 內裡軟熟.
35 瀏覽
0 讚好
0 留言
 炸蠔, 表面的漿粉不厚, 夠脆, 內裡的蠔身雖細, 但仍保持濕潤, 熱度十足, 咬開後, 熱氣直升, 小心辣口. 芝士魚丸, 彈牙中有粘粘的芝士漿, 味道濃厚, 與魚丸配合得宜.
32 瀏覽
0 讚好
0 留言
 牛油野菌帆立貝, 不斷起泡的上檯, 超熱, 牛油香氣, 帶子彈牙.
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
4 已推介
    張貼
    評分
    味道
    環境
    服務
    衛生
    抵食
    用餐日期
    2015-09-17
    用餐途徑
    堂食
    人均消費
    $210 (晚餐)