影片
更多
2017-06-08
269 瀏覽
同朋友去咗油麻地「私房御約」試吓私房海鮮套餐，入到去餐廳空間位置大，坐得都幾舒服。呢度出名新鮮海鮮，我哋揀咗個「龍躉海鮮餐」，＄298一位，呢個套餐有我最鍾意嘅龍躉肉，所以就揀咗。套餐包括「日本放養豬梅肉」、「扎扎跳基圍蝦」、「深海龍躉魚腩」、「蟶子皇」、「手打墨魚滑及鮮蝦滑」、「元貝皇連裙邊」、「自製鮮蝦豬肉餃」、「蟲草花紅棗冬菇蒸雞」、「時令七色蔬菜」、「南瓜粟米排骨粥」、同埋「精選甜品」就係木瓜雪耳糖水等等。係等緊嘢食期間，店員就攞咗一壺菊花茶同埋兩個杯俾我哋飲，菊花茶入面仲有杞子同埋圓肉呀，好少餐廳會有咁滋潤嘅茶水飲，飲落口清清地，好正啊。店員就攞咗一盆新鮮嘅海鮮俾我哋睇，之後親自將豬肉同埋基圍蝦放入蒸爐入面蒸，之後冚返個蓋，幫我地計埋海鮮要蒸嘅時間，非常體貼。基圍蝦食落去好鮮甜，而且啖啖肉，唔使點豉油都已經好好食呀。另外豬肉嘅肉質「林」，半肥瘦有口感，好味道！之後就係我最期待嘅龍躉肉啊， 龍躉好厚身，見到都好想食呀，仲有葱可以僻咗啲魚腥味。龍躉肉食落去好滑，啖啖肉而無骨，非常鮮甜嘅魚味道，必食，大愛！除此之外，仲有我至愛嘅扇貝兩大隻，蒸完之後有啲鮮甜汁可以飲係單貝殼度，飲落去
呢度出名新鮮海鮮，我哋揀咗個「龍躉海鮮餐」，＄298一位，呢個套餐有我最鍾意嘅龍躉肉，所以就揀咗。套餐包括「日本放養豬梅肉」、「扎扎跳基圍蝦」、「深海龍躉魚腩」、「蟶子皇」、「手打墨魚滑及鮮蝦滑」、「元貝皇連裙邊」、「自製鮮蝦豬肉餃」、「蟲草花紅棗冬菇蒸雞」、「時令七色蔬菜」、「南瓜粟米排骨粥」、同埋「精選甜品」就係木瓜雪耳糖水等等。
係等緊嘢食期間，店員就攞咗一壺菊花茶同埋兩個杯俾我哋飲，菊花茶入面仲有杞子同埋圓肉呀，好少餐廳會有咁滋潤嘅茶水飲，飲落口清清地，好正啊。
店員就攞咗一盆新鮮嘅海鮮俾我哋睇，之後親自將豬肉同埋基圍蝦放入蒸爐入面蒸，之後冚返個蓋，幫我地計埋海鮮要蒸嘅時間，非常體貼。基圍蝦食落去好鮮甜，而且啖啖肉，唔使點豉油都已經好好食呀。另外豬肉嘅肉質「林」，半肥瘦有口感，好味道！
之後就係我最期待嘅龍躉肉啊， 龍躉好厚身，見到都好想食呀，仲有葱可以僻咗啲魚腥味。龍躉肉食落去好滑，啖啖肉而無骨，非常鮮甜嘅魚味道，必食，大愛！
除此之外，仲有我至愛嘅扇貝兩大隻，蒸完之後有啲鮮甜汁可以飲係單貝殼度，飲落去有少少清甜、鹹鹹嘅味道，絕對係新鮮扇貝嘅汁，扇貝咬落去好爽口，咬咗幾啖就食咗落肚啦。而裙邊好長咬落去爽口，可以滿足晒兩個願望，哈哈。
最後食返啲蔬菜，分別有娃娃菜、南瓜、粟米同埋青椒等等清下腸胃，等個肚仔冇咁濟。之後就有私房菜自製餃子同埋雞食啊！餃子皮唔算太厚，雞既肉質鮮嫩，肉質滑嫩，又係必食之選。
最後將所有海鮮蒸完晒嘅汁，所有精華用黎煲粥，每人幾碗，真係非常滿足同埋飽肚啊。
食咗咁多野一人都係＄200，就可以食到唔同種類嘅海鮮，一句講晒平靚正！
張貼
