DC 甜品屋

營業中

休息中

黎大角咀搵朋友吹水，落樓下搵野食，見呢間睇落唔錯，就入去食。原本我地幾個麻甩佬係因好平既意粉而入黎，但係入到黎，就比甜品吸引左，個個都叫甜品食🤣🤣🤣。意粉？下次啦🫰🫰紅豆西米布丁，上面有啲似燉蛋加西米，食落好滑，下面係有小小溶既紅豆，好食👍👍蜂蜜朱古力醬窩夫，窩夫熱熱地，上面有埋cream，加埋雪糕，好食👍如果窩夫再熱啲，咁就最好。即焗梳芙厘，呢樣本人最鍾意😍好大份，外鬆內軟，食落甜而不漏，一絕👍👍👍唔夠，加多杯椰林樹下飲，椰汁加雪榚唔錯，飲落幾爽，唔會覺得太甜。