影片
更多
2024-02-04
21 瀏覽
呢間係主打印尼特式風味嘅漢堡店，佢哋主張所有食材同調味料都要自家手工調製，近期推出咗8分鐘Mega漢堡挑戰賽。先講結果，我係挑戰失敗嘅😂，個包大到唔好話8分鐘，80分鐘我可能都食唔晒，有興趣去挑戰下嘅朋友可以2月9日前去，成功挑戰可以免費食水滴巨型漢堡（hkd$81）同送hkd$10現金卷。水滴吉列豬堡 套餐$76(升級mega漢堡+$25)雖然我挑戰失敗，但都同朋友叫咗個餐試下，先講個包嘅形狀係橢圓形，中間切開可以睇得出每樣食材都係好厚身足料，個口唔夠大嘅我一啖只能夠咬到一層包同一層肉😂。吉列豬扒炸得皮薄肉厚，口感實在而肉汁香濃，特製柚子醬令豬扒多咗份果香甜味，麵包方面則非常有驚喜，咬落去口感紮實帶有濃郁嘅香甜味道，有別於一般出面嘅空心包，配搭埋新鮮爽脆嘅蕃茄同生菜，整體口感同味道嘅層次都好豐富🤤。薯條薯條亦都係店家自家製作，味道比一般現成買嘅更加香口，口感外脆內軟，就算唔點醬就咁食都已經好好味。水滴手打撈麵 $55成個撈麵都係全手工製作所以每日限量供應，最重要嘅調味料亦經店家親手精心調製，而為求令客人可以品嘗到正宗印尼風味，仲會提供埋特製辣醬，可以視個人接受程度去加。味道方面麵身口
先講結果，我係挑戰失敗嘅😂，個包大到唔好話8分鐘，80分鐘我可能都食唔晒，有興趣去挑戰下嘅朋友可以2月9日前去，成功挑戰可以免費食水滴巨型漢堡（hkd$81）同送hkd$10現金卷。
2 瀏覽
0 讚好
0 留言
水滴吉列豬堡 套餐$76(升級mega漢堡+$25)
雖然我挑戰失敗，但都同朋友叫咗個餐試下，先講個包嘅形狀係橢圓形，中間切開可以睇得出每樣食材都係好厚身足料，個口唔夠大嘅我一啖只能夠咬到一層包同一層肉😂。
吉列豬扒炸得皮薄肉厚，口感實在而肉汁香濃，特製柚子醬令豬扒多咗份果香甜味，麵包方面則非常有驚喜，咬落去口感紮實帶有濃郁嘅香甜味道，有別於一般出面嘅空心包，配搭埋新鮮爽脆嘅蕃茄同生菜，整體口感同味道嘅層次都好豐富🤤。
薯條
薯條亦都係店家自家製作，味道比一般現成買嘅更加香口，口感外脆內軟，就算唔點醬就咁食都已經好好味。
17 瀏覽
0 讚好
0 留言
水滴手打撈麵 $55
成個撈麵都係全手工製作所以每日限量供應，最重要嘅調味料亦經店家親手精心調製，而為求令客人可以品嘗到正宗印尼風味，仲會提供埋特製辣醬，可以視個人接受程度去加。
味道方面麵身口感非常軟滑，配埋特製辣醬撈埋一齊後更加惹味，酸酸哋咁又帶有香辣口味，令人越食越開胃。
印尼甜茶/熱情果茶
佢哋嘅茶飲全部由印尼空運紅茶泡製，飲落去紅茶香味十足，甜度適中，而熱情果茶就更多咗陣好正嘅果香味👍🏻。
張貼
