Porker (已搬遷) 新店位置

一直都好抗拒食炸嘢，因為覺得炸嘢好油膩，而且我都有啲怕肥，所以好少食炸嘢，點知驚朋友介紹去到呢間餐廳，一試就改變左我對炸嘢嘅感覺。首先，一定要講吓佢杯茶，本人自問都去過唔少嘅日本餐廳，通常都係用凍水或者茶去比客人，但係呢一間舖頭嘅麥茶最令我印象深刻，因為佢嘅茶味同埋麥味平衡得啱啱好，所以令到我好深刻，我起碼飲咗有五六杯，相信平時飲水都唔會飲咁多，哈哈！因為本人有啲貪心，所以就點左佢嘅full house set, 可以滿足我既所有願望。佢嘅炸豬扒，雖然係炸，但係都唔會太油膩，食咗四五舊，都唔會覺得好濟。其中有塊豬扒，入邊仲係夾左芝士，一啖咬落去之後cheese係豬扒入面慢慢咁樣流出嚟，成個口都充滿着芝士，濃濃嘅芝士香味一直係個口到揮之不去。呢間舖頭值得再去一試。最後，佢嘅麵豉湯都值得一讚，當你有時食炸豬扒食到個口好油嘅時候飲一啖麵豉湯可以洗走口入邊嘅油分，令到你可以重新出發再戰炸豬扒。戰鬥力無限提升。