麻堡 (已結業)

之前同事提過想試下食麻堡，因為佢地有生酮漢堡，今日食晏就決定左食佢。去到舖頭細細間，只做外賣，不設堂食。門口標示每日新鮮製造，聽落都好吸引！而且佢地有好多唔同款式嘅創意漢堡，倒如小龍蝦芝士漢堡，芫荽安格斯牛肉漢堡...佢每個漢堡都可以加錢跟餐，跟餐就有薯條同汽水，仲可以另外加加十蚊要佢地嘅特調飲品/冷泡茶，選擇都好多。我地叫左蘑菇安格斯牛漢堡，墨西哥瑪雅豬肉漢堡同生酮安格斯牛漢堡。比個建議大家可以先打電話去叫左先再自取，因為老闆係即製，所以等嘅時間都會耐少少，如果唔想係咁熱嘅天氣係街等就可以咁做啦🤣蘑菇安格斯牛漢堡個牛肉食得出系手工製，因為舊肉好實吾似機整出黎會好散，牛嘅味道都重（我分開左咬舊肉），但調味方面可以稍為多小小，咁就會更好，因為佢地係會配茄膏，如果牛肉調味唔係好夠就會比蕃茄味搶左，不過成個包好足料，食落都好滿足！生酮麵包口感好有趣，係用椰子粉杏仁粉代替，食埋口會有淡淡嘅椰子味。生酮面包雖然比較貴都比較細個，但食得健康啲都係值嘅。最後墨西哥瑪雅豬肉漢堡，聽個名以為會有墨西哥嘅野火味道，但同事就話有小頭失望，因為無咩特別。