茶跡 (已搬遷) 新店位置

今日去尖沙咀拎passport，未夠鐘就行出去揾少少野食，見到呢間飲品店就入去買兩杯飲品解下渴。呢到有近來好出名嘅香水檸檬，香水檸檬氣味比一般檸檬清香。我地叫左兩杯，招牌手打香水檸檬茶和黑糖珍珠鮮奶。招牌手打香水檸檬茶見到店員用盡全力打個香水檸檬，令到檸檬汁出黎，飲落好清新，味道酸酸甜甜，呢個夏天最岩飲。黑糖珍珠鮮奶珍珠煙靭有咬口，鮮奶味道香濃幼滑。黑糖煮得剛好，唔會有燶味，呢杯固定甜度和冰度，但唔會過甜。