茶跡 (已搬遷) 新店位置

平時飲開珍珠奶茶，沙冰感覺悶悶地。今日係尖沙咀行街食飯，經過見到呢間新開嘅台式飲品店，門口仲有2隻大大公仔🧸好吸睛。除咗主打手搖飲品，仲有小食同糖水選擇～仲有幾張枱提供堂食。行街行到攰又想舒舒服服坐低飲杯嘢，確實不錯！🍋招牌手打香水檸檬茶 $36🍑手打檸檬蜜桃茶 $38Top1️⃣人氣招牌飲品，我同朋友都選擇手打檸檬系列🍋香水檸檬茶好特別，散發一種獨特香味，有點似香茅味，相比一般檸檬茶更清香，甜度適中，以四季春作茶底，好清新！呢排天氣熱🔥解渴一流，配料加上Q彈椰果粒粒，更有咀嚼感。