夏銘記 (已結業)

呢間應該係我食過最好食嘅魚蛋粉本身我個人就唔好食魚蛋同魚片 平時食魚蛋粉我都會叫牛腩/墨丸但嚟呢間就一定要叫魚蛋 因為啲魚蛋粒粒手造 你食梗嘅隔離就有一個伯伯親手打梗 粒粒都爽口彈牙 個河粉都好好食 唔會好易碎同散 湯底係好清 所以更加食到丸嘅鮮味呢啲都唔係重點 重點係第二張相 個厚切魚蛋痴線 呢個真係世界級好食嘅魚片厚切嘅魚片就咁睇樣已經好滑 食落勁juicy 啲汁會係口腔到標哂岀嚟 但咬落又爽又軟熟 口感同味道都一流 點埋佢哋嘅辣椒油 又係另一個味道 我prefer 原本咁食 先食到佢魚片本來嘅鮮甜 呢個魚片必食注意：間嘢係好好食，但都幾串吓，睇openrice 話店主嫌人食得慢，唔畀小朋友入去食，我嗰日去到唔夠位，有人想搭枱，但咁啱嗰枱店主婆婆（一個人）食梗飯，佢寧願叫個客喺岀面排隊，都唔想搭枱，我覺得都正常嘅，人地日做夜做咁辛苦，食飯自然想有私人空間，個客等一吓幾咁閒，反正都只係幾分鐘，至於小朋友唔畀入，講真有啲細路食餐飯真係成粒鐘，lunch hour 翻枱一個鐘可能入到四五個客人，食得慢又真係阻住人喎，咪叫外賣食囉。