三哥餃子店 (已結業)

今日收早快閃大埔，陪個朋友減減壓吹陣水先返屋企慶祝媽媽節。我地行左去大埔超級城個邊，因為商場接商場，日曬雨淋都唔怕，而且仲有好多食肆包圍，唔驚冇野食。我地經過安泰路見到間食餃子既就貢左入去。呢間餃子係係大埔廣場地下潮福隔離，對住個的士站既，位置當眼易搵。入面裝修簡單，環境都坐得舒服。呢度既主打係手工健康餃同無味精靚湯Menu既然有湯餃同煎餃，我地就各嗌左一份黎share。煎松茸餃子配四寶元氣湯（8隻）$72首先呢個四寶元氣湯係粉葛鯪魚豬骨湯，因為佢sell冇味精，所以建議落少少鹽黎調味，不過我就覺得呢個老火湯唔落鹽都唔會話冇味，仲入口有d粉葛既鮮甜味，而且春夏天飲可以袪濕同健脾tim。至於個煎餃，餃子皮薄又煎得香脆，松茸餡料味鮮豐厚，口感一流，仲話食松茸可以增強免疫力，呢個簡直係保健餃子餐粟米豬肉餃（8隻）$33呢個湯餃係餃同湯分開上，配個細四寶湯。粟米豬肉做餡料，食材普通，不過都可以食到甜粟米粒，口感唔錯，但係相對個煎餃，呢個味道就好一般