發記飯店

營業中

休息中

宵夜落去天后搵食, 想搵一間多點人氣, 因為唔想食食吓就好似有人趕收工咁, 最好有人陪無咁怯!見到發記門口都坐左幾枱客, 想都唔想就坐低, 見到好多野都好想食, 鵝片, 筍蝦, 咸菜魚, 炒生菜, 辣菜堡叫到成枱都係...鵝片啖啖肉, 我鍾意佢唔會太咸, 雖然肉係瘦左啲, 但係唔會靭, 咬落仲好爽, 有咬頭, 掂播!筍蝦都幾好, 朋友覺得有股臭味, 其實係呢隻筍本身有咁嘅特性吧, 我就覺得幾好食!咸菜魚咸菜好味, 但係魚有啲梅了, 可能係煮過幾次, 唔係新整炒生菜無鑊氣,係咁多野比較無咁好嘅一味!白粥煲得幾靚, 打冷點可以無白粥, 白粥靚食得都放心啲