Bored Garden (已結業)

友人鍾意食芫荽，見到依間新burger店竟然有芫荽burger，一於同佢去試下！舖頭設計好特別，好多霓虹光管，用嚟影相打卡一流！芫荽芝心牛漢堡 芫荽原來會先經炸過，所以入口香脆，淡淡芫荽味，唔會過份濃烈！再加埋芝心漢堡，口感豐富，食完已經覺得好飽！脆漿薯條+ 烏龍茶＄18加配了薯條，入口香脆，份量都幾多，食完個包已經唔係太食得落！軟殼蟹牛肉漢堡我就揀咗軟殼蟹牛肉漢堡，軟殼蟹炸到好脆！而且唔會太油。而牛肉漢堡，如果可以改成芝心就好喇，見到朋友嗰塊厚身啲，口感更好！忌廉蟹肉薯餅（2件）+零系可樂 $20加配了忌廉蟹肉薯餅，外層脆皮鬆化，入面係軟綿綿嘅忌廉蟹肉薯蓉。飽肚得來又唔算太漏，兩件份量啱啱好。