影片
更多
2022-09-05
62 瀏覽
留意咗屋企附近呢間賦湯蹈火好耐，火鍋店走型格玩味路線，感覺新潮年輕！入到去都發現有好多特色位，例如牆壁上寫上大字醒目嘅「過往的聯繫工具 今天用火鍋相聚」標語，水吧位又有餐廳名嘅霓虹燈牌，走廊位彷如時光隧道，掛滿老照片，甚至廁所位都有好多趣緻嘅地方，令人會心微笑！火鍋材料除咗可以單點之外，餐廳仲有提供火鍋套餐，每位收費，份量按人頭計。一個套餐已經有肉有菜有丸，款式豐富，價錢又唔貴，我哋兩個又唔駛揀食咩，就點咗試店員推薦嘅海鮮火鍋套餐（每位$268)。呢個套餐有：五式海鮮拼盤、安格斯肥牛掛架／黑豚肉／羊肉片(三選一)、 日本雞頸肉、自家製手打丸、餃子、炸響鈴、田園雜菜盤、清湯底。五式海鮮拼盤包括：海蝦、鮑魚、花枝、廣島蠔及脆肉鯇片，海鮮非常新鮮，毫不欺場，特別係海蝦，肉質彈牙，啖啖鮮味。鮑魚都好大隻，set好時間，肉質好腍唔會韌！廣島蠔都好肥美，脆肉鯇係我打邊爐嘅至愛，呢度都好足料，每片都好厚肉，食落好彈！安格斯肥牛掛架嘅presenation好打卡，安格斯肥牛質素好高，油花漂亮，肉味突出。第一次打邊爐食日本雞頸肉，估唔到好有驚喜！日本雞頸肉原來好滑，口感彈性多汁，好正！手打丸有兩款，細細
火鍋材料除咗可以單點之外，餐廳仲有提供火鍋套餐，每位收費，份量按人頭計。一個套餐已經有肉有菜有丸，款式豐富，價錢又唔貴，我哋兩個又唔駛揀食咩，就點咗試店員推薦嘅海鮮火鍋套餐（每位$268)。呢個套餐有：五式海鮮拼盤、安格斯肥牛掛架／黑豚肉／羊肉片(三選一)、 日本雞頸肉、自家製手打丸、餃子、炸響鈴、田園雜菜盤、清湯底。
五式海鮮拼盤包括：海蝦、鮑魚、花枝、廣島蠔及脆肉鯇片，海鮮非常新鮮，毫不欺場，特別係海蝦，肉質彈牙，啖啖鮮味。鮑魚都好大隻，set好時間，肉質好腍唔會韌！廣島蠔都好肥美，脆肉鯇係我打邊爐嘅至愛，呢度都好足料，每片都好厚肉，食落好彈！
安格斯肥牛掛架嘅presenation好打卡，安格斯肥牛質素好高，油花漂亮，肉味突出。
第一次打邊爐食日本雞頸肉，估唔到好有驚喜！日本雞頸肉原來好滑，口感彈性多汁，好正！
手打丸有兩款，細細粒，口感彈牙，餃子只有一款，如果數量同款式多返少少就更滿足啦！
炸響鈴即點即炸，唔會有油益味。
年紀大，打邊爐一定要食D菜！
整體環境坐得舒服，好啱傾計，有套餐選擇，價錢合理，款式都多樣化，值得一讚嘅係店員服務殷勤友善！唯一係套餐包嘅清湯底實在過於清淡，反而帶唔出食材嘅味道，湯底需要再改良一下。
張貼
